സീറ്റ് ബെല്റ്റ് നിര്ബന്ധമാക്കിയ യാത്രാവാഹനങ്ങളില് 13 വയസ്സില് താഴെയുള്ള കുട്ടികളെ പിന്സീറ്റിലിരുത്തി യാത്ര ചെയ്യണമെന്ന് സംസ്ഥാന ബാലാവകാശ സംരക്ഷണ കമീഷന്റെ നിര്ദേശം
സീറ്റ് ബെല്റ്റ് നിര്ബന്ധമാക്കിയ യാത്രാവാഹനങ്ങളില് 13 വയസ്സില് താഴെയുള്ള കുട്ടികളെ പിന്സീറ്റിലിരുത്തി യാത്ര ചെയ്യണമെന്ന് സംസ്ഥാന ബാലാവകാശ സംരക്ഷണ കമീഷന് നിര്ദേശം. രണ്ടു വയസ്സില് താഴെയുള്ളവര്ക്ക് ബേബി സീറ്റ് ഘടിപ്പിക്കുന്നതിനാവശ്യമായ ഭേദഗതി മോട്ടോര് വാഹന നിയമത്തില് വരുത്തണമെന്നും കമീഷന് മോട്ടോര് വാഹന വകുപ്പിന് നിര്ദേശം നല്കി. ഇക്കാര്യത്തില് ബോധവത്കരണത്തിന് ഗതാഗത കമീഷണറും വനിതശിശു വികസന വകുപ്പും നടപടിയെടുക്കണം.
വയലിനിസ്റ്റ് ബാലഭാസ്കറിന്റെയും മകളുടെയും അപകട മരണവുമായി ബന്ധപ്പെട്ട വാര്ത്തയുടെ അടിസ്ഥാനത്തില് കമീഷന് സ്വമേധയാ എടുത്ത കേസിലാണ് നടപടി. കേന്ദ്ര മോട്ടോര് വാഹന ചട്ട പ്രകാരം ൈഡ്രവറെ കൂടാതെ ഏഴു സീറ്റുവരെയുള്ള യാത്രാവാഹനങ്ങളിലും ൈഡ്രവര്ക്കും മുന് സീറ്റിലിരിക്കുന്നവര്ക്കും സീറ്റ് ബെല്റ്റ് നിര്ബന്ധമാണ്.എന്നാല്, കുഞ്ഞുങ്ങളുമായി യാത്ര ചെയ്യുമ്പോള് പാലിക്കേണ്ട സുരക്ഷിതമായ സീറ്റിങ് സംബന്ധിച്ച് ഉത്തരവുകളില് വ്യക്തതയില്ലെന്ന് കമീഷന് നിരീക്ഷിച്ചു. 13 വയസ്സിന് താഴെയുള്ളവര് പിന്സീറ്റില് ഇരുന്ന് യാത്ര ചെയ്യുന്നതാണ് സുരക്ഷിതമെന്ന് ശാസ്ത്രീയ പഠനങ്ങള് വ്യക്തമാക്കുന്നു.
എയര്ബാഗ് മുതിര്ന്നവര്ക്ക് സുരക്ഷിതമെങ്കിലും കുഞ്ഞുങ്ങള്ക്ക് അപകടകരമായതിനാല് അവര്ക്കുവേണ്ടി ബേബി സീറ്റ് ഘടിപ്പിക്കണമെന്ന് വാഹനനിര്മാതാക്കള് തന്നെ നിര്ദേശം മുന്നോട്ടുവെച്ചിട്ടുണ്ട്.
"
https://www.facebook.com/Malayalivartha
