വയനാടിനെ ചൊല്ലിയുള്ള തര്ക്കം മുറുകുന്നു, കോണ്ഗ്രസ് അവസാനമായി പുറത്തിറക്കിയ സ്ഥാനാര്ത്ഥി പട്ടികയിലും വയനാടും വടകരയുമില്ല, തെരഞ്ഞെടുപ്പ് പ്രചാരണം എങ്ങനെ മുന്നോട്ടു കൊണ്ടു പോകുമെന്ന് ഒരുപിടിയുമില്ലാതെ കേരളത്തിലെ കോണ്ഗ്രസ് പ്രവര്ത്തകര് നില്ക്കുമ്പോഴും രാഹുല് ഗാന്ധിയ്ക്ക് ഇളക്കമില്ല
സ്ഥാനാര്ത്ഥികള് നാമ നിര്ദ്ദേശ പത്രിക നല്കാന് തുടങ്ങിയിട്ടും കോണ്ഗ്രസിന്റെ വയനാട്, വടകര മണ്ഡലത്തിലെ സ്ഥാനാര്ത്ഥികളെ ചൊല്ലിയുള്ള അനിശ്ചിതത്വം തീരുന്നില്ല. കോണ്ഗ്രസിന്റെ ഇന്ന് പ്രഖ്യാപിച്ച പതിനാലാം സ്ഥാനാര്ത്ഥി പട്ടികയിലും വയനാടും വടകരയുമില്ല. രാഹുല് ഗാന്ധി മത്സരിച്ചേക്കുമെന്ന് സംശയമുള്ള വയനാട് മണ്ഡലത്തിന്റെ കാര്യത്തിലാണ് അനിശ്ചിതത്വം തുടരുന്നത്. മണ്ഡലത്തില് അനൗദ്യോഗികമായി കെപിസിസി പ്രഖ്യാപിച്ച ടി സിദ്ദിഖ് സ്ഥാനാര്ത്ഥിത്വത്തില് നിന്ന് പിന്മാറുകയും ചെയ്തു. അതേ സമയം വടകരയില് കെ മുരളീധരന് പ്രചാരണത്തിലാണ്.
ഇതുവരെ 293 മണ്ഡലങ്ങളിലേക്കുള്ള സ്ഥാനാര്ത്ഥികളെയാണ് കോണ്ഗ്രസ് പ്രഖ്യാപിച്ചത്. അതേസമയം വയനാട്ടില് രാഹുല് ഗാന്ധിയുടെ സ്ഥാനാര്ത്ഥിത്വത്തില് ഇന്നത്തെ തെരഞ്ഞെടുപ്പ് സമിതി യോഗത്തിലും തീരുമാനമായില്ല. തീരുമാനം വൈകുന്നതിലെ പ്രതിസന്ധി കേരള നേതാക്കള് അറിയിച്ചെങ്കിലും രാഹുല് മനസ് തുറന്നില്ല. സോണിയാഗാന്ധിയുടെ വസതിയില് ചേര്ന്ന തെരഞ്ഞെടുപ്പ് സമിതി യോഗത്തില് വയനാട്ടിലെ രാഹുല് ഗാന്ധിയുടെ സ്ഥാനാര്ത്ഥിത്വം ചര്ച്ചയായതേയില്ല. എ.കെ ആന്റണി , കെ.സി വേണു ഗോപാല് , വി. ഡി സതീശന് എന്നിവര് യോഗത്തിലുണ്ടായിരുന്നുവെങ്കിലും ആരും ഉന്നയിച്ചതുമില്ല. ബിഹാര്, ഒഡിഷ്യ, രാജസ്ഥാന് തുടങ്ങിയ സംസ്ഥാനങ്ങളുടെ സ്ഥാനാര്ത്ഥി നിര്ണയ ചര്ച്ചയില് ഒതുങ്ങി.
വയനാട് തീരുമാനം വൈകിയാല് തെരഞ്ഞെടുപ്പില് അത് ബാധിക്കുമെന്ന് ആശങ്ക കേരള നേതാക്കള് യോഗത്തിന് ശേഷം രാഹുലിനെ അറിയിച്ചെങ്കിലും മറുപടി ഉണ്ടായില്ല. രാഹുല് സ്ഥാനാര്ത്ഥിയായാല് പ്രതിപക്ഷ മുന്നണിയുടെ നേതൃപദവി കോണ്ഗ്രസിന് നല്കുന്ന കാര്യം പുനരോലോചിക്കുമെന്ന മുന്നറിയിപ്പ് നേരത്തെ സിപിഎം നല്കിയിരുന്നു. കേരളത്തില് ഇടതു മുന്നണിയിലെ ഘടകക്ഷികളായ എന്സിപിയും ജനതാദള് എസും രാഹുല് വയനാട്ടില് സ്ഥാനാര്ത്ഥിയാവുന്നതിനെതിരെ സമ്മര്ദം ശക്തമാക്കുന്നുണ്ട്. ശരദ് പവാര് ശക്തമായ സമ്മര്ദമാണ് ഉയര്ത്തുന്നത്.
https://www.facebook.com/Malayalivartha
