ചാവക്കാട് തിരുവത്ര പുത്തൻകടപ്പുറത്ത് വീടിനു തീ പിടിച്ചു. ഫിഷറീസ് കോളനിക്ക് കിഴക്ക് ആലുങ്ങൽ മുജീബിൻെറ ഓലമേഞ്ഞ വീടാണ് കത്തിയത്. ശനിയാഴ്ച്ച രാവിലെ ആറോടെയാണ് സംഭവം. കൂടുതൽ ഭാഗത്തേക്ക് പരടരാതെ സമീപവാസികളാണ് തീയണച്ചത്.

വീടിനകത്ത് ഉണ്ടായിരുന്ന അലമാരയും വസ്ത്രങ്ങളും അഗ്നിക്കിരയായി. സംഭവസമയം മുജീബിൻെറ ഭാര്യയും 13കാരനായ മകനും സമീപത്തെ വീട്ടിലായിരുന്നു. ഷോർട്ട് സർക്യൂട്ടാണ് തീപിടിത്തതിന് കാരണമെന്ന് സൂചനയുണ്ട്. നഗരസഭ വികസന കാര്യ സ്ഥിരം അധ്യക്ഷൻ കെ.എച്ച്. സലാം, മുൻ നഗരസഭ ചെയർമാൻ എം.ആർ. രാധാകൃഷ്ണൻ, മത്സ്യതൊഴിലാളി സംഘം പ്രസിഡൻറ് ടി.എം. ഹനീഫ, മണത്തല വില്ലേജ് ഓഫിസർ പി. ദീപ, വില്ലേജ് അസിസ്റ്റൻറ് സി. അനിൽകുമാർ എന്നിവർ സംഭവ സ്ഥലം സന്ദർശിച്ചു.