രാഹുലിനെ തോല്പ്പിക്കാന് തന്ത്രം... സിപിഎമ്മിന്റെ മുന്നറിയിപ്പ് തള്ളിക്കളഞ്ഞ് രാഹുല് ഗാന്ധി വയനാട്ടിലെത്തിയതോടെ മുഖ്യ ശത്രുവായി മാറി; ഇനി ലക്ഷ്യം രാഹുല് ഗാന്ധിയെ പരാജയപ്പെടുത്തല്; രാഹുല് തരംഗത്തില് സിപിഎം ഒഴുകി പോയാലും നാണക്കേട് ഒഴിവാക്കാന് പുതിയ തന്ത്രം
കോണ്ഗ്രസിനെ മുന്നില് നിര്ത്തി കേന്ദ്രത്തില് മതേതര സര്ക്കാര് രൂപീകരിക്കുക എന്ന തന്ത്രമാണ് സിപിഎം കേന്ദ്ര നേതൃത്വം സ്വീകരിച്ചത്. ഇതിന്റെ ഭാഗമായി പല സംസ്ഥാനങ്ങളിലും സിപിഎമ്മും കോണ്ഗ്രസും ഒരുമിച്ചാണ് പ്രചാരണം നടത്തുന്നത്. കോണ്ഗ്രസിന് വേണ്ടി ഏറ്റവുമധികം വാദിച്ചത് സിപിഎം ജനറല് സെക്രട്ടറി സീതാറാം യെച്ചൂരിയാണ്. എന്നാല് കമ്മ്യൂണിസ്റ്റ് ഭരണമുള്ള ഏക സംസ്ഥാനത്ത് രാഹുല് ഗാന്ധി എത്തിയതോടെ കളി മാറി. രാഹുല് തരംഗത്തില് കേരളത്തില് സിപിഎമ്മിന് വലിയ പതനം സംഭവിക്കുമെന്നാണ് വിലയിരുത്തല്. അതിനാല് തന്നെ രാഹുലിനെ മുഖ്യ ശത്രുവായാണ് സിപിഎം കാണുന്നത്. എങ്ങനേയും രാഹുലിനെ തോല്പ്പിക്കുക എന്നതാണ് ലക്ഷ്യം.
ഇത് മുന്നില് കണ്ടു തന്നെ തുഷാര് വെള്ളാപ്പള്ളിയെയാണ് എന്ഡിഎ സ്ഥാനാര്ത്ഥിക്കുന്നത്. വെള്ളാപ്പളളിയുമായി സിപിഎമ്മിന് അടുത്ത ബന്ധമാണുള്ളത്. അതിനാല് തന്നെ സിപിഐ ജയിക്കാത്ത സാഹചര്യത്തില് വെള്ളാപ്പള്ളി നടേശന്റെ മകന് വോട്ട് നല്കാനായിരിക്കും ശ്രമിക്കുക. ഇപ്പോള് സിപിഎമ്മിനെ സംബന്ധിച്ച് രാഹുലിന്റെ പതനമാണ് ആവശ്യം. എങ്കില് മാത്രമേ കേരളത്തില് നിലനില്പ്പുള്ളൂ.
അതേസമയം വരുന്ന ലോക്സഭാ തിരഞ്ഞെടുപ്പില് നരേന്ദ്ര മോദി സര്ക്കാരിനെതിരെ കോണ്ഗ്രസിനെ ഒഴിവാക്കി കൊണ്ടുള്ള മതേതര ദേശീയ മുന്നണിക്ക് രൂപം നല്കാന് സി.പി.എം നേതൃത്വം ആലോചന തുടങ്ങിയതായി സൂചനയും വരുന്നുണ്ട്. ബി.എസ്.പി നേതാവ് മായാവതിയെ മുന് നിറുത്തിക്കൊണ്ടുള്ള മതേതര ബദല് രൂപീകരിക്കാനാണ് നീക്കം.
സിപിഎം അടക്കമുളള പ്രതിപക്ഷ കക്ഷികള് ഉയര്ത്തിയ എതിര്പ്പിനെ മറികടന്നാണ് രാഹുല് ഗാന്ധി വയനാട്ടില് മത്സരിക്കാനുളള തീരുമാനമെടുത്തിരിക്കുന്നത്. ദക്ഷിണേന്ത്യയില് ആകെ രാഹുല് തംരഗമുണ്ടാക്കുകയും പരമാവധി സീറ്റുകളില് വിജയിക്കുകയുമാണ് കോണ്ഗ്രസ് ലക്ഷ്യമിടുന്നത്.
രാഹുല് ഗാന്ധി കേരളത്തില് വന്ന് മത്സരിക്കുന്നത് കോണ്ഗ്രസിന് വലിയ നേട്ടമുണ്ടാക്കും എന്ന കാര്യത്തില് തര്ക്കമില്ല. അതേസമയം സംസ്ഥാനത്ത് സിപിഎമ്മിന്റെയും ബിജെപിയുടേയും തലവര തന്നെ രാഹുല് ഗാന്ധി മാറ്റിയെഴുതിയേക്കും.
ഏത് തിരഞ്ഞെടുപ്പില് ആയാലും മലബാര് എന്നും ഇടത്തോട്ട് ചായുന്നതാണ് കേരളത്തില് പതിവ്. ഇത്തവണ വടകരയും കണ്ണൂരും അടക്കമുളള മണ്ഡലങ്ങളില് സിപിഎമ്മിന് ഭയക്കേണ്ട സാഹചര്യങ്ങളുണ്ട്. എല്ലായിടത്തും കൈവിട്ട കളി കളിക്കാനിറങ്ങിയ തിരഞ്ഞെടുപ്പിലാണ് സിപിഎമ്മിന് ഇരുട്ടടിയായി രാഹുല് ഗാന്ധിയുടെ വരവ്.
ഇത്തവണത്തെ ലോക്സഭാ തിരഞ്ഞെടുപ്പില് പശ്ചിമ ബംഗാളില് നിന്നോ ത്രിപുരയില് നിന്നോ സിപിഎമ്മിന് സീറ്റുകള് ലഭിക്കും എന്നുളള പ്രതീക്ഷകളൊന്നുമില്ല. ആകെയുളള പ്രതീക്ഷ ദക്ഷിണേന്ത്യന് സംസ്ഥാനങ്ങളായ കേരളത്തിലും തമിഴ്നാട്ടിലുമാണ് സിപിഎമ്മിനുളളത്.
ആ സ്വപ്നത്തിന് മേല മണ്ണ് വാരിയിട്ടാണ് രാഹുല് ഗാന്ധിയുടെ വരവ്. സംസ്ഥാനത്ത് ഇത്തവണ യുഡിഎഫ് തരംഗമുണ്ടാകും എന്നാണ് രാഹുലിന്റെ വരവിന് മുന്പ് പുറത്ത് വന്ന സര്വ്വേകള് പറയുന്നത്. രാഹുല് വന്നതോട് കൂടി ആ തരംഗം ഇരട്ടിക്കും എന്ന കാര്യത്തില് സംശയമില്ല.
ഇത്തവണ തിരിച്ചടി മുന്കൂട്ടി കണ്ടാണ് എംഎല്എമാര് അടക്കം അതിശക്തരായ സ്ഥാനാര്ത്ഥികളെ ഇടതുമുന്നണി രംഗത്ത് ഇറക്കിയത്. എന്നാല് രാഹുല് ഗാന്ധിയുടെ വരവ് മൂലമുണ്ടാകുന്ന തരംഗം എല്ലാ സീറ്റുകളിലും സിപിഎമ്മിന് മത്സരം കടുപ്പമേറിയതാകും. ഉറച്ച മണ്ഡലങ്ങളില് പോലും പേടിക്കേണ്ട അവസ്ഥ
കേരളത്തില് സിപിഎമ്മിനെ എന്നും തുണച്ചിരുന്നത് ന്യനപക്ഷ വോട്ടുകളാണ്. രാഹുല് ഗാന്ധി വരുന്നതോടെ ന്യൂനപക്ഷ വോട്ടുകളും നിഷ്പക്ഷ വോട്ടുകളും കോണ്ഗ്രസിലേക്ക് ഒഴുകും. പത്തനംതിട്ട പോലുളള മണ്ഡലങ്ങളില് ക്രിസ്ത്യന് വോട്ടിലേക്ക് നോക്കിയിരിക്കുന്ന സിപിഎം വിയര്ക്കാനാണ് എല്ലാ സാധ്യതയും
ഈ അവസരത്തില് പുതിയ ദേശീയ ബദലിനാണ് സിപിഎം ശ്രമിക്കുന്നത്. കോണ്ഗ്രസിനെ ഒഴിവാക്കിയും ബിഎസ്പി നേതാവ് മായാവതിയെ മുന്നിര്ത്തിയും പുതിയ മതേതര ബദലിനാണ് സിപിഎം ശ്രമം നടത്തുന്നത്. ഇതിനെ ഇനി കോണ്ഗ്രസ് എങ്ങനെ ചെറുക്കും എന്നത് വരും ദിവസങ്ങളില് കണ്ടെറിയേണ്ടതാണ്.
https://www.facebook.com/Malayalivartha
