മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): കുടുംബത്തിൽ മംഗള കർമ്മങ്ങൾ നടക്കാനും ഐക്യം വർദ്ധിക്കാനും സാധ്യത കാണുന്നു. വ്യാപാരികൾക്കും സംരംഭകർക്കും പുതിയ സാമ്പത്തിക നേട്ടങ്ങൾ സ്വന്തമാക്കാം. രോഗശാന്തി, പുതിയ വാഹനം, ആഭരണ ലാഭം എന്നിവയ്ക്ക് അനുകൂലമായ ഗ്രഹസ്ഥിതിയാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): തൊഴിൽ രംഗത്ത് മികച്ച നേട്ടങ്ങൾ പ്രതീക്ഷിക്കാം. സ്ഥാനക്കയറ്റത്തിനും ശമ്പള വർദ്ധനവിനും വിലപിടിപ്പുള്ള സമ്മാനങ്ങൾ ലഭിക്കാനും യോഗമുണ്ട്. തൊഴിലില്ലാതിരുന്നവർക്ക് അർഹമായ ജോലി ലഭിക്കുകയും അതിൽ തിളങ്ങാൻ സാധിക്കുകയും ചെയ്യും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): നിയമപരമായ കാര്യങ്ങളിൽ അപ്രതീക്ഷിത തിരിച്ചടികൾ നേരിടാൻ സാധ്യതയുണ്ട്. മറ്റുള്ളവരെ സഹായിക്കാനുള്ള അമിത താല്പര്യം ഒഴിവാക്കുക; അന്യരുടെ കാര്യങ്ങളിൽ മധ്യസ്ഥത വഹിക്കാനോ ഉപദേശം നൽകാനോ മുതിരുന്നത് നിങ്ങൾക്ക് തന്നെ ദോഷകരമായി ഭവിച്ചേക്കാം.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): അതിരുകൾ ലംഘിച്ച് മറ്റുള്ളവരുടെ വിഷയങ്ങളിൽ ഇടപെടുന്നത് വലിയ നിയമപ്രശ്നങ്ങൾക്കും സർക്കാർ നടപടികൾക്കും വഴിവെക്കും. സ്വത്ത് സംബന്ധമായ കേസുകളിൽ തിരിച്ചടികൾക്ക് സാധ്യതയുള്ളതിനാൽ ഉദ്യോഗസ്ഥരുമായി നയതന്ത്രപരമായ സമീപനം മാത്രം സ്വീകരിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): സ്ത്രീ സൗഹൃദങ്ങൾ വഴി വലിയ ഗുണാനുഭവങ്ങൾ വന്നുചേരും. വിനോദ യാത്രകൾക്കോ ഉല്ലാസയാത്രകൾക്കോ അവസരം ലഭിക്കും. അപ്രതീക്ഷിതമായ ധനലാഭത്തിനും ഗൃഹത്തിലേക്ക് പുതിയ അലങ്കാര വസ്തുക്കൾ സ്വന്തമാക്കാനും സാധിക്കും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): മാതൃസ്ഥാനീയരിൽ നിന്നുള്ള നിർലോഭമായ സ്നേഹവും സാമ്പത്തിക പിന്തുണയും വലിയ കരുത്തേകും. ദാമ്പത്യ ഐക്യം, തൊഴിൽ വിജയം എന്നിവ ഫലം. ഉദ്യോഗസ്ഥർക്ക് ആഗ്രഹിച്ച സ്ഥലത്തേക്ക് മാറ്റം ലഭിക്കാനും കുടുംബത്തോടൊപ്പം സന്തോഷത്തോടെ താമസിക്കാനും സാഹചര്യമൊരുങ്ങും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പിതാവിനോ പിതൃതുല്യർക്കോ ആരോഗ്യപ്രശ്നങ്ങൾ വരാൻ ഇടയുള്ളതിനാൽ അവരോടുള്ള ആശയവിനിമയത്തിൽ കൂടുതൽ സ്നേഹവും നയവും പുലർത്തുക. ഉദര സംബന്ധമായും ഹൃദയ സംബന്ധമായും പ്രയാസങ്ങൾ ഉള്ളവർ ആരോഗ്യ കാര്യത്തിൽ അതീവ ജാഗ്രത പാലിക്കണം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): സ്വന്തം അധികാരപരിധിക്ക് പുറത്തുള്ള കാര്യങ്ങളിൽ തലയിടുന്നത് അപമാനത്തിന് കാരണമാകും. വ്യവഹാരങ്ങളിൽ ഏർപ്പെട്ടിട്ടുള്ളവർ ജാഗ്രത പാലിക്കുക. ചന്ദ്രന്റെ സ്വാധീനം പ്രതികൂലമായതിനാൽ ജല സംബന്ധമായ തൊഴിലുകളിൽ ഏർപ്പെട്ടിരിക്കുന്നവർ പൂർണ്ണമായും മുൻകരുതലുകൾ എടുക്കേണ്ടതുണ്ട്.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): പുതിയ സൗഹൃദങ്ങൾ ജീവിതത്തിൽ വലിയ സന്തോഷം നിറയ്ക്കും. വിദ്യാർത്ഥികൾക്ക് പഠനത്തിൽ മികവ് പുലർത്താനും സ്കോളർഷിപ്പുകൾ ലഭിക്കാനും സാധ്യതയുണ്ട്. തൊഴിൽ വിജയം, സാമ്പത്തിക ഉന്നതി, ദാമ്പത്യ സൗഖ്യം എന്നിവ പൂർണ്ണമായി അനുഭവത്തിൽ വരും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കുടുംബത്തിൽ അനുകൂലമായ ഊർജ്ജം നിറഞ്ഞുനിൽക്കുന്ന സമയമാണ്. ഒരു കുഞ്ഞിന്റെ ജനനമോ വിവാഹമോ വഴി പുതിയൊരു അതിഥിയുടെ വരവ് പ്രതീക്ഷിക്കാം. ഗൃഹാന്തരീക്ഷം തികഞ്ഞ സന്തോഷത്തിലാകും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): എഴുത്തുകാർക്കും കലാകാരന്മാർക്കും കീർത്തിയും വലിയ ധനലാഭവും കൈവരും. ദീർഘകാലമായി അനുഭവിച്ചിരുന്ന മാനസിക സമ്മർദ്ദങ്ങളിൽ നിന്ന് പൂർണ്ണ മോചനം ലഭിക്കുകയും പുതിയ സുഹൃദ്‌ബന്ധങ്ങൾ ജീവിതത്തിൽ സന്തോഷം പകരുകയും ചെയ്യും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): സൂര്യന്റെ സ്വാധീനം അല്പം ദുർബലമായതിനാൽ ഹൃദയം, ശ്വാസകോശം എന്നീ അവയവങ്ങൾക്ക് ദോഷകരമായ അവസ്ഥയുണ്ട്. ലഹരി വസ്തുക്കളുടെ ഉപയോഗം ഗുരുതരമായ ആരോഗ്യ പ്രശ്നങ്ങളിലേക്ക് നയിക്കുമെന്നതിനാൽ പൂർണ്ണമായും ഒഴിഞ്ഞുനിൽക്കുക.