റാന്നി മന്ദിരംപടിയിൽ വാടകയ്ക്ക് താമസിക്കുന്ന ഉതിമൂട് മാമ്പാറപുത്തൻവീട്ടിൽ വിഷ്ണു(20) അശ്ലീലവീഡിയോ സമൂഹമാധ്യമങ്ങളിൽ പ്രചരിപ്പിച്ചതിന് അറസ്റ്റിലായി. സ്ഥിരമായി പെൺകുട്ടികളുടെ ഇത്തരം വീഡിയോകൾ ഇയാൾ കാണാറുണ്ടായിരുന്നത്രെ. നിരന്തരം അശ്ലീല വെബ്സൈറ്റുകൾ സന്ദർശിച്ചിരുന്ന ഇയാൾ കുട്ടികളുടെ വീഡിയോകൾ മാത്രമാണ് കണ്ടിരുന്നതെന്ന് പൊലീസ് പറഞ്ഞു

സൈബർസെല്ലിന്റെ സഹായത്തോടെ റാന്നി പൊലീസ് സബ് ഇൻസ്പെക്ടർ ആർ.അനീഷ്‌കുമാറാണ് പ്രതിയെ ഞായറാഴ്ച രാവിലെ അറസ്റ്റ് ചെയ്തത്. ജില്ലാ പൊലീസ് മേധാവി ജി.ജയ്ദേവിന്റെ നിർദ്ദേശാനുസരണം ആയിരുന്നു സ്പെഷ്യൽ ബ്രാഞ്ച് ഡിവൈ.എസ്‌പി.യുടെ സഹായത്തോടെ സബ് ഇൻസ്പെക്ടർ ആർ.അനീഷ്‌കുമാർ പ്രതിക്കായി വലവിരിച്ചത്. അന്വേഷണത്തിനൊടുവിൽ പൊലീസിന് കിട്ടിയത് ഞെട്ടിക്കുന്ന വിവ രങ്ങളായിരുന്നു.

കൊച്ചു പെൺകുട്ടികളുടെ നിരവധി വീഡിയോകളാണ് പ്രതിയുടെ ഫോണിൽ ഉണ്ടായിരുന്നത് . കൂടുതൽ പരിശോധനക്കായി ഫോൺ കസ്റ്റഡിയിലെടുത്തെന്ന് പൊലീസ് അറിയിച്ചു.

പ്രായപൂർത്തിയാകാത്ത പെൺകുട്ടികളുടെ അശ്ലീലവീഡിയോ കാണുന്നതും പ്രചരിപ്പിക്കുന്നതും അഞ്ച് വർഷം വരെ തടവുശിക്ഷ ലഭിക്കാവുന്ന ജാമ്യമില്ലാത്ത കുറ്റമാണെന്ന് ജില്ലാ പൊലീസ് മേധാവി പറഞ്ഞു. ഇവിടെ പ്രതിയും 20 വയസ്സു മാത്രമുള്ള യുവാവാണ്.