ഇതാണോ സിപിഎമ്മേ സ്ത്രീസമത്വം. വിജയരാഘവനെതിരെ പ്രതിഷേധം കത്തുന്നു. രമ്യ ഹരിദാസിനെതിരെയുള്ള വിവാദ പരാമര്‍ശത്തില്‍ കേരളത്തില്‍ പ്രതിഷേധം കത്തുകയാണ്. കോലം കത്തിക്കലും ഫേയ്‌സ്ബുക്ക് പോസ്റ്റുമൊക്കെയായി കേരളം വിഷയത്തില്‍ ഇടപ്പെട്ടുകൊണ്ടേയിരിക്കുന്നു.

ഏറ്റവുമൊടുവില്‍ ദീപയേയും മീരയേയും പൊളിച്ചടുക്കി ഷാഫി പറമ്പിലും എത്തിയിരിക്കുന്നു. ദീപ ചേച്ചിയും മീര ചേച്ചിയും ഇതൊക്കെ കണ്ടോ എന്തോ? രമ്യാ ഹരിദാസിനെതിരായ എ.വിജയരാഘവന്റെ പരാമര്‍ശത്തില്‍ വിമര്‍ശവുമായി ഷാഫി പറമ്പില്‍ രംഗത്തെത്തിയിരിക്കുന്നത്. ആലത്തൂര്‍ നിയോജക മണ്ഡലത്തിലെ യു.ഡി.എഫ് സ്ഥാനാര്‍ത്ഥി രമ്യാ ഹരിദാസിനെതിരായ എല്‍.ഡി.എഫ് കണ്‍വീനര്‍ എ. വിജയരാഘവന്റെ പരാമര്‍ശം വന്‍ വിവാദങ്ങള്‍ക്ക് വഴിവയ്ക്കുകയാണ്.

സംഭവത്തില്‍ രൂക്ഷവിമര്‍ശവുമായി പാലക്കാട് എം.എല്‍.എ ഷാഫി പറമ്പില്‍ രംഗത്തെത്തി. മുഖ്യമന്ത്രി പിണറായി വിജയനും എഴുത്തുകാരായ ദീപാ നിശാന്തിനും, കെ.ആര്‍ മീരയ്ക്കുമെതിരെയും ഷാഫി തന്റെ ഫേസ്ബുക്കില്‍ വിമര്‍ഷം ഉന്നയിച്ചിട്ടുണ്ട്. മതില് കെട്ടിയ 50 കോടിക്ക് വല്ല പൂത്തിരിയും വാങ്ങി കത്തിച്ചിരുന്നെങ്കില്‍ ജനങ്ങള്‍ക്ക് കാണാനെങ്കിലും ഒരു രസമായിരുന്നെന്ന് ഷാഫി പറമ്പില്‍ പരിഹസിക്കുന്നു

കോണ്‍ഗ്രസിന്റെ പെങ്ങളൂട്ടിയെ വിവാദങ്ങളിലൂടെ വളര്‍ത്തിയത് ഇടതു നേതാക്കള്‍ , ബിജുവിന് വെല്ലുവിളിയായി രമ്യാ ഹരിദാസ് വളര്‍ന്നത് ഇങ്ങനെഫേസ്ബുക്ക് പോസ്റ്റിന്റെ പൂര്‍ണരൂപം'നിങ്ങളെത്ര മതില് കെട്ടിയാലും മറച്ച് പിടിച്ചാലും ഉള്ളിലുള്ളത് പുറത്ത് വരാതിരക്കോ ?
അഭിനവ നവോത്ഥാന ശിങ്കത്തിന് നട്ടെല്ലുണ്ടോ പരാജയരാഘവനെതിരെ കേസെടുത്ത് ഉള്ളില്‍ തള്ളി കണ്‍വീനര്‍ സ്ഥാനത്തു നിന്ന് പുറത്താക്കാന്‍ .
ദീപേച്ചിയും മീരേച്ചിയും ഇതൊക്കെ കണ്ടോ എന്തോ ?
മതില് കെട്ടിയ 50 കോടിക്ക് വല്ല പൂത്തിരിയും വാങ്ങി കത്തിച്ചിരുന്നുവെങ്കില്‍ ജനങ്ങള്‍ക്ക് കാണാനെങ്കിലും ഒരു രസമായിരുന്നു .ഇതപ്പോ ..
രമ്യജയിക്കും'പൊന്നാനിയിലെ എല്‍.ഡി.എഫ് കണ്‍വന്‍ഷനിലാണ് വിജയരാഘവന്‍ വിവാദ പരാമര്‍ശം നടത്തിയത്. 'സ്ഥാനാര്‍ത്ഥിത്വം ഉറപ്പിച്ചതോടെ രമ്യ ആദ്യം ഓടിയെത്തിയത് പാണക്കാട്ടേക്കാണ്. പാണക്കാട് തങ്ങളെക്കണ്ട് പിന്നെ ഓടിയത് പി.കെ.കുഞ്ഞാലിക്കുട്ടിയെ കാണാനാണ്. ആ കുട്ടിയുടെ കാര്യം എന്താവുമെന്ന് പറയുന്നില്ല' ഇതായിരുന്നു വിജയരാഘവന്റെ പരാമര്‍ശം. വിജയരാഘവനെതിരെ പരാതി നല്‍കുമെന്ന് രമ്യാ ഹരിദാസ് അറിയിച്ചിട്ടുണ്ട്.