കട്ടപ്പനയി കെഎസ്ആർടിസി ബസിന് അടിയിൽ അകപ്പെട്ട യുവാവിന് അത്ഭുതകരമായ രക്ഷപ്പെടൽ . പത്തനാപുരം നവാസ് മൻസിൽ നവാസാണ് (43) ഇന്നലെ ഉച്ചയ്ക്ക് ഒന്നോടെ അടിമാലി - കുമളി ദേശീയപാതയിൽ ഇടുക്കിക്കവലയ്ക്കു സമീപമുണ്ടായ അപകടത്തിൽപ്പെട്ട് ബൈക്കിൽ നിന്ന് തെറിച്ച് വീണത്. യുവാവ് പരിക്കുകളോടെ രക്ഷപെട്ടു.

വെള്ളയാംകുടി ഭാഗത്തു നിന്നുള്ള കെഎസ്ആർടിസി ബസിന് അടിയിലാണ് ബൈക്ക് അകപ്പെട്ടത്. വളവ് തിരിക്കുന്നതിനിടെ ബൈക്ക് നിയന്ത്രണം നഷ്ടപ്പെട്ടു മറിയുകയായിരുന്നെന്ന നാട്ടുകാർ പറയുന്നു. നിരങ്ങിയെത്തിയ ബൈക്ക് ബസിന്റെ പിൻചക്രങ്ങൾക്കു നടുവിൽ കുടുങ്ങി. അപകടം ഉണ്ടായ ഉടൻതന്നെ നവാസ് തെറിച്ചു വീണതിനാലാണ് രക്ഷപ്പട്ടത്. കൈക്കും കാലിനും പരുക്കേറ്റ നവാസിനെ നഗരത്തിലെ സ്വകാര്യ ആശുപത്രിയിൽ പ്രവേശിപ്പിച്ചു.