കോൺഗ്രസിന്റെ ദേശിയ അധ്യക്ഷനും വയനാട് ലോകസഭാ മണ്ഡലത്തിലെ യുഡിഎഫ് സ്ഥാനാർത്ഥിയുമായ രാഹുൽ ഗാന്ധിക്കെതിരെ വ്യക്തിപരമായി അധിക്ഷേപിച്ചെന്നാരോപിച്ച് ജി സുധാകരനെതിരെ ആലപ്പുഴ യുഡിഎഫ് തിരഞ്ഞെടുപ്പു കമ്മറ്റി പോലീസിൽ പരാതി നൽകി.

ആലപ്പുഴ എൽ ഡി എഫ് സ്ഥാനാർത്ഥി എ എം ആരിഫിന്റെ തിരഞ്ഞെടുപ്പ് പൊതുയോഗത്തിനിടെ രാഹുൽ ഗാന്ധിയെ വ്യക്തിപരമായി അധിക്ഷേപിക്കുകയും സമുദായ സ്പർദ്ധ വളർത്തുന്ന തരത്തിൽ സംസാരിച്ചുവെന്നാണ് പോലീസിനു നൽകിയ പരാധി.

" പുലി വരുന്നേ പുലി വരുന്നേ എന്ന് പറയുകയാണ് പലരും. എന്നാൽ വടക്കേയിന്ത്യയിൽ നേരെ എഴുന്നേറ്റ് നടക്കാൻ പോലും വയ്യാത്ത പുലിയാണ് വരുന്നത്. അവിടെ ആർ എസ് എസിനെ നേരിടാൻ വയ്യ ;വടക്കേയിന്ത്യയിൽ ബിജെപിയെ കാണുമ്പോൾ മുട്ടുവിറയ്ക്കുകയാണ് പുലിക്ക് " ഇതായിരുന്നു സുധാകരന്റെ വിവാദ പരാമർശം.

യു സി എഫിന്റെ ചീഫ് ഇലക്ഷൻ ഏജൻറും കെ പി സി സി ട്രഷറുമായ ജോൺസൺ എബ്രഹമാണ് പരാതിക്കാരൻ. എന്നാൽ ജി സുധാകരൻ തനിക്കെതിരെ ഉയർന്ന ആരോപണത്തെ നിക്ഷേധിച്ചു.