കേരളത്തെ വീണ്ടും ഞെട്ടിച്ച് പട്ടാപ്പകൽ പ്രണയാഭ്യർത്ഥന നിരസിച്ചതിന് തൃശൂരിൽ പെൺകുട്ടിയെ പെട്രോളൊഴിച്ച് തീകൊളുത്തി സുഹൃത്ത് കൊലപ്പെടുത്തി. ബി ടെക് വിദ്യാര്‍ഥിനി ചിയ്യാരം സ്വദേശിനി നീതു(22) ആണ് കൊല്ലപ്പെട്ടത്. പെൺകുട്ടിയുടെ സുഹൃത്ത് വടക്കേക്കാട് സ്വദേശി നിതീഷിനെ (32) കസ്റ്റഡിയിലെടുത്തു. നാട്ടുകാരാണ് നിതീഷിനെ പിടികൂടി പൊലീസില്‍ ഏല്‍പിച്ചത്. ഇന്ന് രാവിലെ ഏഴിനും ഏഴരയ്ക്കും ഇടയിലാണ് സംഭവം നടക്കുന്നത്. പെൺകുട്ടിയുടെ വീട്ടിലെ ശുചിമുറിയിലാണ് മൃതദേഹം കിടന്നിരുന്നത്. നിതീഷ് വീട്ടിൽ അതിക്രമിച്ച് കടന്നതാകാനാണ് സാധ്യതയെന്നു കരുതുന്നു. ബഹളം കേട്ട് ഓടിക്കൂടിയ നാട്ടുകാർ യുവാവിനെ പിടികൂടി കൈകാര്യം ചെയ്തു.

തുവിന്റെ വീട്ടിലെത്തി വടക്കേകാട് സ്വദേശിയായ നിതീഷ് പ്രണയാഭ്യര്‍ത്ഥന നടത്തുകയായിരുന്നു. ഇത് നീതു നിരസിച്ചു. ഇതോടെ നീതുവിനെ പെട്രോള്‍ ഒഴിച്ച്‌ കത്തിക്കുകയായിരുന്നുവെന്നാണ് പുറത്തുവരുന്ന സൂചന. വീട്ടുകാര്‍ നീതുവിനെ രക്ഷിക്കാന്‍ ശ്രമിച്ചെങ്കിലും നടന്നില്ല. ബഹളം കേട്ട് ഓടിക്കൂടിയ നാട്ടുകാര്‍ നിതീഷിനെ പിടികൂടി പൊലീസിനെ ഏല്‍പ്പിച്ചു. തിരുവല്ലയില്‍ കുറച്ചു ദിവസങ്ങള്‍ക്ക് മുമ്ബാണ് റോഡില്‍ പ്രണയം നരസിച്ച കുട്ടിയെ കാമുകന്‍ പെട്രോളൊഴിച്ച്‌ കത്തിച്ച്‌ കൊന്നത്. ഇതിന്റെ നടക്കും മാറും മുമ്ബാണ് സമാന രീതിയിലെ കൊല വീണ്ടും നടക്കുന്നത്.

കോടാലിയിലെ എഞ്ചിനിയറിങ് കോളേജിലെ വിദ്യാര്‍ത്ഥിനിയായിരുന്നു നീതു. വാഹനത്തിലാണ് യുവാവ് വീട്ടിലെത്തിയത്. പെട്രോള്‍ ഒഴിച്ച്‌ കത്തിച്ചതോടെ പെണ്‍കുട്ടി നിലവിളിച്ചു. മുത്തച്ഛനും മുത്തശ്ശിയോടൊപ്പമായിരുന്നു കുട്ടിയുടെ താമസം. നിലവിളി കേട്ട് ഓടി എത്തിയവര്‍ പെണ്‍കുട്ടിയെ രക്ഷിക്കാന്‍ ശ്രമിച്ചു. നിതീഷ് ഓടിരക്ഷപ്പെടാനും ശ്രമിച്ചു. എന്നാല്‍ നാട്ടുകാര്‍ ഓട്ടിച്ചിട്ട് ഇയാളെ പിടികൂടി. പ്രണയനൈരാശ്യമാണ് ഇതിന് കാരണമെന്ന് മുത്തച്ഛനും മുത്തശ്ശിയും പറയുന്നു.

അച്ഛന്‍ ഉപേക്ഷിച്ച്‌ പോയതു കൊണ്ടാണ് നീതു അപ്പുപ്പനും അമ്മൂമ്മയ്ക്കും ഒപ്പം താമസിച്ചിരുന്നത്. അമ്മയും വര്‍ഷങ്ങള്‍ക്ക് മുമ്ബ് മരിച്ചിരുന്നു. പിടികൂടിയ പ്രതിക്ക് 32 വയസ്സുണ്ട്. വടക്കേക്കാട് സ്വദേശിയായ യുവാവ് ഏറെ നാളായി പെണ്‍കുട്ടിയുടെ പിന്നാലെ നടന്ന് ശല്യപ്പെടുത്തുന്നുണ്ടായിരുന്നു. ഇന്ന് രാവിലെ വീട്ടിലേക്ക് കയറി വന്ന യുവാവ് കയ്യില്‍ കരുതിയ പെട്രോള്‍ ഒഴിച്ച്‌ പെണ്‍കുട്ടിക്ക് തീ കൊളുത്തുകയായിരുന്നു. വീട്ടുകാരും നാട്ടുകാരും ചേര്‍ന്ന് തീ അണയ്ക്കാന്‍ ശ്രമിച്ചെങ്കിലും പെണ്‍കുട്ടി മരിക്കുകയായിരുന്നു. കസ്റ്റഡിയിലെടുത്ത നിതീഷിനെ വൈദ്യപരിശോധനയ്ക്ക് വിധേയനാക്കും.