മേടമാസ വിഷു പൂജകള്‍ക്കായി ശബരിമല ക്ഷേത്രനട ഏപ്രില്‍ 10ന് വൈകുരേം 5ന് തുറക്കും. തന്ത്രി കണ്ഠരര് രാജീവരരുടെ സാന്നിധ്യത്തില്‍ മേല്‍ശാന്തി വി.എന്‍. വാസുദേവന്‍ നമ്ബൂതിരി ശ്രീകോവില്‍ നട തുറന്ന് ദീപം തെളിക്കും. അന്ന് പ്രത്യേക പൂജകള്‍ ഒന്നുമുണ്ടാകില്ല. രാത്രി 10ന് ഹരിവരാസനം പാടി നട അടയ്ക്കും.

ഏപ്രില്‍ 11ന് രാവിലെ 5ന് നിര്‍മ്മാല്യം,മേടം ഒന്നായ ഏപ്രില്‍ 15ന് പുലര്‍ച്ചെ നട തുറന്ന് ഭക്തര്‍ക്കായി വിഷുക്കണിദര്‍ശനം ഒരുക്കും. തുടര്‍ന്ന് തന്ത്രിയും മേല്‍ശാന്തിയും ഭക്തര്‍ക്ക് കൈനീട്ടം നല്‍കും. നെയ്യഭിഷേകം, കളഭാഭിഷേകം, പടിപൂജ എന്നിവ നടതുറന്നിരിക്കുന്നു എല്ലാദിവസങ്ങളിലും ഉണ്ടാകും. 19ന് രാത്രി ഹരിവരാസനം പാടി ക്ഷേത്രനട അടയ്ക്കും. മേടമാസവിഷു പൂജകള്‍ക്കായി നടതുറക്കുന്ന സമയത്ത് കേരളത്തിനകത്തും പുറത്തും നിന്നായി ആയിരക്കണക്കിന് ഭക്തര്‍ അയ്യപ്പദര്‍ശനപുണ്യത്തിനായി എത്തിച്ചേരും.ഇടവ മാസ പൂജകള്‍ക്കായി മെയ് 14 ന് വൈകുരേം 5ന് നട തുറക്കും.