ഇനി പിഎസ്സി പരീക്ഷയില്‍ കേരളത്തില്‍ വനമില്ലാത്ത ജില്ല എന്ന ചോദ്യം ഉണ്ടാകില്ല. പകരം എല്ലാ ജില്ലകളിലും വനമുള്ള സംസ്ഥാനം എന്ന ചോദ്യം ഉണ്ടാകും. ആലപ്പുഴയ്ക്ക് വനം ഇല്ലന്നുള്ള സങ്കടം തീര്‍ന്നു. ആലപ്പുഴയിലും വനമായി. ഹരിപ്പാട് വീയപുരത്തു 15 ഏക്കര്‍ സ്ഥലം ഫോറസ്റ്റ് റിസര്‍വ് മേഖലയാക്കി പ്രഖ്യാപിച്ചു കഴിഞ്ഞ ദിവസം വനംവകുപ്പു വിജ്ഞാപനമിറക്കി. ഇതോടെ സംസ്ഥാനത്തെ എല്ലാ ജില്ലകളിലും സംരക്ഷിത വനമേഖലയായി.
വീയപുരത്തെ സര്‍ക്കാര്‍ തടി ഡിപ്പോ പ്രവര്‍ത്തിക്കുന്ന ഭാഗമാണു ഫോറസ്റ്റ് റിസര്‍വ് മേഖലയായി പ്രഖ്യാപിച്ചത്. റാന്നി വനം ഡിവിഷനാണ് ഇതിന്റെ ചുമതല. വനമേഖലയിലെ എല്ലാ നിയന്ത്രണങ്ങളും ഇവിടെയും ബാധകമാകും. പ്രദേശത്തേക്ക് അനുമതിയില്ലാതെ പ്രവേശിക്കുന്നതിനും നിര്‍മാണ പ്രവര്‍ത്തനങ്ങള്‍ നടത്തുന്നതിനും മരം മുറിക്കുന്നതിനും നിരോധനമുണ്ട്.
പ്രദേശത്തിന്റെ ഭൗമ-പരിസ്ഥിതി-ജൈവ സവിശേഷതകള്‍ കണക്കിലെടുത്താണു റിസര്‍വ് പ്രഖ്യാപനം. സ്ഥലത്തിന്റെ അതിര്‍ത്തി സംബന്ധിച്ചു ചില തര്‍ക്കങ്ങള്‍ നിലനിന്നിരുന്നെങ്കിലും അതെല്ലാം പരിഹരിച്ചാണു വിജ്ഞാപനം പുറത്തിറക്കിയത്. ഇത്തരത്തിലുള്ള എല്ലാ പ്രവര്‍ത്തനങ്ങളും ഫോറസ്റ്റ് ആക്ട് 61 അനുസരിച്ചു കുറ്റകരമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha