നേരും നെറിയുമുള്ളവർക്ക് വോട്ട് കൊടുക്കണം, മറുകണ്ടം ചാടുന്നവന് ജനങ്ങള് വോട്ട് ചെയ്യരുത്; എന് കെ പ്രേമചന്ദ്രനെതിരെ ആഞ്ഞടിച്ച് മുഖ്യമന്ത്രി പിണറായി വിജയൻ
മറുകണ്ടം ചാടുന്നവന് ജനങ്ങള് വോട്ട് ചെയ്യരുതെന്ന് പിണറായി വിജയന്. കൊല്ലം അഞ്ചാലുംമൂട്ടില് എല് ഡി എഫ് സ്ഥാനാര്ഥി കെ. എന്. ബാലഗോപാലിന്റെ തിരഞ്ഞെടുപ്പ് പ്രചാരണ യോഗത്തില് സംസാരിക്കവേയാണ് യു ഡി എഫ് സ്ഥാനാര്ഥി എന് കെ പ്രേമചന്ദ്രനെതിരെ പിണറായി ആഞ്ഞടിച്ചത് .
രാജ്യം മുഴുവന് നരേന്ദ്രമോദിയേയും ബിജെപിയേയും രാജ്യം മുഴുവന് എതിര്ക്കുമ്പോഴും അവര്ക്കെതിരെ യാതൊന്നും മിണ്ടാത്ത സ്ഥാനാര്ഥിയ്ക്ക് വോട്ട് നല്കണോ എന്ന് കൊല്ലം ജനത തീരുമാനിക്കണമെന്ന് പിണറായി വിജയന് പറഞ്ഞു. കൊല്ലം പാര്ലമെന്റ് മണ്ഡലം എല് ഡി എഫ് സ്ഥാനാര്ഥി ശ്രീ കെ. എന്. ബാലഗോപാലിന്റെ തിരഞ്ഞെടുപ്പ് പ്രചരണാര്ത്ഥം ചവറയില് സംഘടിപ്പിച്ച യോഗത്തില് സംസാരിക്കുകയായിരുന്നു പിണറായി വിജയന്.
നേരും നെറിയുമുള്ളവർക്ക് വോട്ട് കൊടുക്കണമെന്നും തിരഞ്ഞെടുപ്പിൽ വിജയിച്ചാൽ കെ.എൻ.ബാലഗോപാൽ ഒരിക്കലും മറുകണ്ടം ചാടില്ലെന്നും മുഖ്യമന്ത്രി പിണറായി വിജയൻ പറഞ്ഞു .
ജനങ്ങൾക്ക് ആശ്വാസം കിട്ടുകയും രാജ്യതാൽപ്പര്യങ്ങൾ സംരക്ഷിക്കുകയുംചെയ്യുന്ന ബദൽനയം നടപ്പാക്കുന്ന സർക്കാർ അധികാരത്തിൽ വരണം. . കോൺഗ്രസും ബിജെപിയും നടപ്പാക്കുന്നത് ബദൽ നയമല്ല. ഇരുകൂട്ടരും പിന്തുടരുന്നത് ഉദാരവത്കരണ നയമാണ്. കോർപറേറ്റുകളോട് മമതയും സാമ്രാജ്യത്വത്തിന് കീഴടങ്ങാനുള്ള അഭിനിവേശവുമാണ് ഇരുകൂട്ടർക്കും. ബിജെപിയെ അധികാരത്തിൽനിന്ന് മാറ്റി അതേ നയം തുടരുന്ന ഒരു സർക്കാർ വരുന്നതുകൊണ്ട് കാര്യമില്ല, എല്ലാ അർഥത്തിലും ബി.ജെ.പി.യെ സഹായിക്കുന്ന നിലപാടാണ് കോൺഗ്രസ് സ്വീകരിക്കുന്നത്. ബി.ജെ.പി.ക്കെതിരായി പോരാടുന്ന രാഹുൽ ഗാന്ധി ബി.ജെ.പി.ക്ക് സ്ഥാനാർഥിപോലുമില്ലാത്ത വയനാട്ടിൽ മത്സരിക്കുന്നത് ഇടതുപക്ഷത്തിനെതിരേയാണ്. ബി.ജെ.പി. അധികാരത്തിലെത്തിയത് കോൺഗ്രിസിന്റെ ജനദ്രോഹപരമായ നയങ്ങൾ കാരണമാണെന്നും പിണറായി വിജയന് കൂട്ടിച്ചേര്ത്തു.
https://www.facebook.com/Malayalivartha
