തിരുവല്ല കെഎസ്ആര്ടിസി ബസ് സ്റ്റാന്ഡിലെ ജലസംഭരണിക്കുള്ളിൽ അഴുകിയ മൃതദേഹം
ഒരു മാസത്തിലേറെ പഴക്കമുണ്ടെന്ന് സംശയിക്കുന്ന മൃതദേഹം ജലസംഭരണിക്കുള്ളില് നിന്ന് കണ്ടെത്തി. തിരുവല്ല കെഎസ്ആര്ടിസി ബസ് സ്റ്റാന്ഡിലെ ജലസംഭരണിക്കുള്ളിലാണ് അഴുകിയ നിലയില് മൃതദേഹം കണ്ടെത്തിയത്. ദുര്ഗന്ധത്തെ തുടര്ന്ന് പോലീസ് പരിശോധന നടത്തിയപ്പോഴാണ് കെട്ടിടത്തിന് മുകളിലെ ടാങ്കില് അഗ്നിശമന സംവിധാനത്തിന്റെ ജലസംഭരണിയ്ക്കുള്ളിലായി മൃതദേഹം കണ്ടെത്തിയത്.
എത്രദിവസമായി ജഡം ടാങ്കിലെന്നതിലും സ്ഥിരീകരണം ആയിട്ടില്ല. വിവരമറിഞ്ഞ് പൊലീസ് എത്തി മൃതദേഹം പുറത്തെടുക്കാനുള്ള ശ്രമം തുടങ്ങി. പരിശോധനകള്ക്ക് ശേഷമേ കൂടുതല് വിവരങ്ങള് വ്യക്തമാകൂ.
നിരവധിപേര് യാത്രചെയ്യുന്ന പ്രധാന സ്റ്റേഷനാണ് തിരുവല്ല. ശബരിമലയിലേക്ക് ഉള്പ്പെടെ സര്വീസുകള് നടത്തുന്ന സ്റ്റേഷന് എന്ന നിലയിലും തിരുവല്ല സ്റ്റേഷന് ശ്രദ്ധേയമാണ്. ഇവിടെ ഇത്തരത്തില് ഒരു സംഭവം നടന്നതും സ്റ്റേഷനില് ഉള്പ്പെടെ ദൈനംദിന ആവശ്യങ്ങള്ക്ക് കുടിവെള്ളം ലഭ്യമാക്കുന്നതുമായ ടാങ്കില് ഇത്തരത്തില് ജഡം കണ്ടത് വലിയ അമ്ബരപ്പാണ് സൃഷ്ടിച്ചിട്ടുള്ളത്.
https://www.facebook.com/Malayalivartha
