എല്‍ ഡി എഫ് സ്ഥാനാര്‍ഥി കെ.എന്‍ ബാലഗോപാല്‍ പുലര്‍ച്ചെ നാലുമണിയോടെ ശ​ക്തി​കു​ള​ങ്ങ​ര ഹാ​ര്‍​ബ​റി​ല്‍ ക​ട​ലി​ന്റെ മ​ക്ക​ളെ കാ​ണാ​ന്‍ എ​ത്തിയതോടെയാണ്‌ പ്രചാരണ പരിപാടികള്‍ ആരംഭിച്ചത്. അ​തി​രാ​വി​ലെ ത​ങ്ങ​ള്‍​ക്കി​ട​യി​ലേ​ക്ക് അ​പ്ര​തീ​ക്ഷി​ത​മാ​യി ക​ട​ന്നു​വ​ന്ന സ്ഥാ​നാ​ര്‍​ത​ഥി​യെ​ക്ക​ണ്ട​പ്പോ​ള്‍ മ​ത്സ്യ​ത്തൊ​ഴി​ലാ​ളി​ക​ള്‍​ക്ക് അ​ത്ഭു​തമായി. ജോ​ലി​ തുടര്‍ന്നുകൊണ്ടു തന്നെ അ​വ​ര്‍ ബാ​ല​ഗോ​പാ​ലി​നോ​ടു ത​ങ്ങ​ളു​ടെ പ്ര​ശ്‌​ന​ങ്ങ​ള്‍ നി​ര​ത്തി, ആ​വ​ശ്യ​ങ്ങ​ള്‍ ഉ​ന്ന​യി​ച്ചു. സ​ര്‍​ക്കാ​രി​ന്‍റെ ഇ​ട​പെ​ട​ലി​ല്‍ ആ​വ​ശ്യ​മാ​യ പ്ര​ശ്‌​ന​ങ്ങ​ളി​ലേ​ക്കു ശ്ര​ദ്ധ ക്ഷ​ണി​ക്കുകയും ചെയ്തു.

ഹാര്‍ബറിലെ പ്ര​ധാ​ന പ്ര​ശ്‌​നം വെ​ളി​ച്ച​മി​ല്ലാ​യ്മ​യാ​ണെ​ന്ന് മ​ത്സ്യ​ത്തൊ​ഴി​ലാ​ളി​ക​ള്‍ അറിയിച്ചതോടെ ഇ​രു​ള​ക​റ്റാ​ന്‍ യു​ദ്ധ​കാ​ലാ​ടി​സ്ഥാ​ന​ത്തി​ല്‍ ന​ട​പ​ടി​യു​ണ്ടാ​വു​മെ​ന്ന് സ്ഥാ​നാ​ര്‍​ഥി ഉ​റ​പ്പ് നല്‍കി. തുടര്‍ന്ന് ബോ​ട്ടു​ക​ളി​ലേ​ക്ക് കയറിയ ബാലഗോപാല്‍ അ​വ​യി​ലി​രു​ന്ന് തൊ​ഴി​ലാ​ളി​ക​ളു​മാ​യി കു​ശ​ല​പ്ര​ശ്‌​നം നടത്തി. മാ​ര്‍​ക്ക​റ്റ് പു​ന​രു​ദ്ധ​രി​ക്കു​ന്ന​തി​ന് സ്ഥ​ലം ഏ​റ്റെ​ടു​ത്തി​ട്ടു​ണ്ടെ​ന്നും തു​ക വ​ക​യി​രു​ത്തി​യി​ട്ടു​ണ്ടെ​ന്നും തെ​ര​ഞ്ഞെ​ടു​പ്പ് ക​ഴി​ഞ്ഞ​യു​ട​നെ അ​തി​ന്റെ ന​ട​പ​ടി​ക​ള്‍ ആ​രം​ഭി​ക്കു​മെ​ന്നും ബാ​ല​ഗോ​പാ​ല്‍ അ​റി​യി​ച്ചു. മൂ​ന്ന​ര മ​ണി​ക്കൂ​റോ​ളം ഹാ​ര്‍​ബ​റി​ല്‍ ചെ​ല​വ​ഴി​ച്ച് കേരളത്തിന്റെ സ്വന്തം സൈന്യത്തിനൊപ്പം സെ​ല്‍​ഫി​ക്കും പോ​സ് ചെ​യ്തി​ട്ടാ​ണ് ബാ​ല​ഗോ​പാ​ല്‍ യാ​ത്ര​യാ​യ​ത്.

തുടര്‍ന്ന് അറുനൂറ്റിമംഗലം ഏരിയയില്‍ ലഭിച്ച സ്വീകരണം സ്ത്രീ പങ്കാളിത്തം കൊണ്ട് ശ്രദ്ധേയമായി . ബാന്റ് മേളത്തിന്റെയും ചെണ്ടയുടേയും അകമ്പടിയോടെ ഒട്ടനവധി സ്ത്രീകളാണ് കടുത്ത ചൂടിനേയും അവഗണിച്ച് അറുനൂറ്റിമംഗലത്തെത്തിയത്. മൂന്നാംകുറ്റിയില്‍ നിന്നാരംഭിച്ച സ്വീകരണ പരിപാടിയില്‍ ബൈക്ക് റാലിയുമായി ഡിവൈഎഫ് ഐ - എ ഐ വൈ എഫ് പ്രവര്‍ത്തകരും അണിനിരന്നു. ഇരുചക്രവാഹനങ്ങളിൽ ചുവപ്പ് തൊപ്പിയണിഞ്ഞ് ചെങ്കൊടിയേന്തി വനിതകള്‍ അടക്കമുള്ള പ്രവര്‍ത്തകരാണ് ബാലഗോപാലിന്റെ പ്രചാരണ പര്യടനത്തില്‍ അണിചേര്‍ന്നത്. ആറാട്ടുകുളം . മാടന്‍കാവ് , താവൂട്ട്‌ മുക്കുവഴി മങ്ങാട് ചിറയില്‍ കുളത്തില്‍ എത്തിയതോടെ വന്‍ ജനാവലിയാണ് ബാലഗോപാലിനെ സ്വീകരിക്കാന്‍ എത്തിയത്.