ഇതാണ് ആ ഭീകരന്മാരെ തുരത്തിയ സൈന്യത്തിന്റെ ശക്തി; ആധുനിക യന്ത്രത്തോക്കുകള് മുതല് മിസൈലുകള് വരെയുള്പ്പെടുന്ന ഇന്ത്യന് സൈന്യത്തിന്റെ പ്രദര്ശനം കനകക്കുന്നില്
പലപ്പോഴായി ഭീകരന്മാരെ തുരത്തിയ സൈന്യത്തിന്റെ ശക്തി കാണണമെങ്കില് തിരുവനന്തപുരത്ത് കനകക്കുന്നില് എത്തിയാല് മതി. ആധുനിക യന്ത്രത്തോക്കുകള് മുതല് മിസൈലുകള് വരെയുള്പ്പെടുന്ന ഇന്ത്യന് സൈന്യത്തിന്റെ പ്രദര്ശനം ഇവിടെ കാഴ്ച്ചക്കാരെ കാത്തിരിപ്പുണ്ട്. നേവിയുടെ സ്റ്റാളില് യുദ്ധത്തിന് ഉപയോഗിക്കുന്ന കപ്പലുകളുടെയും മിസൈലുകളുടെയും മാതൃകകള് പ്രദര്ശിപ്പിച്ചിരിക്കുന്നു.
എകെ 47 ഉള്പ്പെടെയുള്ള ആയുധങ്ങള് പരിചയപ്പെടുത്തുന്ന കേരള പൊലീസ് സ്റ്റാള്, മിസൈല് മാതൃകകളുമായി ഐഎസ്ആര്ഒ, യുദ്ധവിമാനത്തിന്റെ കുഞ്ഞന് മോഡലുകളുമായി ഇന്ത്യന് എയര് ഫോഴ്സ്. തിരുവനന്തപുരം പ്രസ് ക്ലബ് സൂര്യകാന്തി ഗ്രൗണ്ടില് സംഘടിപ്പിക്കുന്ന കനകോത്സവം പ്രദര്ശനത്തിലെ മുഖ്യ ആകര്ഷണം ഇവയൊക്കെയാണ്. തോക്കുകളും മറ്റ് ആയുധങ്ങളും തൊട്ടുനോക്കാനും മനസ്സിലാക്കാനും അത്ര പരിചിതമല്ലാത്ത ആധുനിക സാങ്കേതിക വിദ്യകള് ചോദിച്ചറിയാനും നിരവധി ആളുകളാണ് സ്റ്റാളുകള് സന്ദര്ശിക്കുന്നത്. വിവിപാറ്റ് മെഷീന് കാണാനായി തെരഞ്ഞെടുപ്പ് കമീഷന്റെ സ്റ്റാളിലെത്തുന്നവരും നിരവധിയാണ്. വിവിപ്പാറ്റ് വലിയ വാര്ത്തയായതോടെ നിരവധി പേരാണ് അതിനെക്കുറിച്ച് അറിയാനും മനസിലാക്കാനുമായി ഇവിടെ എത്തുന്നത്.
ആധുനിക യന്ത്രത്തോക്കുകള് മുതല് മിസൈലുകള് വരെയുള്പ്പെടുന്നതാണ് ഇന്ത്യന് സൈന്യത്തിന്റെ പ്രദര്ശനത്തിനാണ് കാഴ്ച്ചക്കാര് ഏറെ. നേവിയുടെ സ്റ്റാളില് യുദ്ധത്തിന് ഉപയോഗിക്കുന്ന കപ്പലുകളുടെയും മിസൈലുകളുടെയും മാതൃകകള് പ്രദര്ശിപ്പിച്ചിരിക്കുന്നത് കുട്ടികള്ക്ക് മാത്രമല്ല മുതിര്ന്നവര്ക്കും വലിയ കൗതുകമാവുകയാണ്. ദേശീയ പക്ഷി-മൃഗ പ്രദര്ശനം, ചക്ക-- -മാമ്പഴ--- വാഴ മഹോത്സവം, അലങ്കാര മത്സ്യപ്രദര്ശനം, മലയാള പത്ര-മാധ്യമ ചരിത്രപ്രദര്ശനം, തിരുവനന്തപുരം മെഡിക്കല് കോളേജ്, നിയമസഭ, ദുരന്തനിവാരണ അതോറിറ്റി, തപാല്, അച്ചടി വിഭാഗങ്ങളുടെ സ്റ്റാളുകള് എന്നിവയും നിരവധി ആളുകളെ ആകര്ഷിക്കുന്നു.
ദിവസവും വൈകിട്ട് ബാന്ഡ് മത്സരങ്ങള്, കലാപ്രകടനങ്ങള് എന്നിവയും സംഘടിപ്പിക്കുന്നു. അനശ്വര യുവ സംഗീതജ്ഞന് ബാലഭാസ്കറിന്റെ സ്മരണാര്ത്ഥം മികച്ച മ്യൂസിക് ബാന്ഡിന് പുരസ്കാരംവകനകോല്സവം-2019 ന്റെ ഭാഗമായി ഏര്പ്പെടുത്തിയിരിക്കുന്നുണ്ട്. ഒരു ലക്ഷം രൂപയും പ്രശസ്തിപത്രവും ശില്പ്പവും അട ങ്ങുന്നതാണ് പുരസ്കാരം. ഏപ്രില് 5 മുതല് 15 വരെകനകക്കുന്ന് സൂര്യകാന്തിയിലാണ് കനകോല്സവം.
സംസ്ഥാനത്തെ മികച്ച ബാന്ഡിനെ കണ്ടെത്താനായുള്ള മത്സരം അഞ്ചു മുതല് സൂര്യ കാന്തിയില് നടക്കുന്നുണ്ട്. തുടര്ച്ചയായി എല്ലാ ദിവസവും വൈകുന്നേരമാണ് മത്സരം. കോളേജ് ബാന്ഡുകളാണ് മത്സരത്തില് പങ്കെടുക്കന്നത്. രാജ്യത്തെ മികച്ച സംഗീതജ്ഞന്മാരാണ് വിധി കര്ത്താക്കള്. പുരസ്കാരം സമാപന സമ്മേളനത്തില് നടക്കുന്ന ബാലഭാസ്കര് സ്മ്രിതിയില് വിതരണം ചെയ്യും.
https://www.facebook.com/Malayalivartha
