വീണ്ടും തളിപ്പറമ്പില് കാറിന്റെ ചില്ല് തകര്ത്ത് മോഷണ ശ്രമം; ഇത് പത്താമത്തെ മോഷണശ്രമം
പാര്ക്ക് ചെയ്തിരിക്കുന്ന വാഹനങ്ങളുടെ ചില്ല് തകര്ത്ത് കവര്ച്ച നടത്തുന്നവരുടെ നഗരമായി മാറിക്കഴിഞ്ഞു തളിപ്പറമ്പ്. അവിടെ വീണ്ടും കാറിന്റെ ചില്ല് തകര്ത്തു കവര്ച്ചാ ശ്രമം നടന്നു. എന്നാല് കാറില് നിന്നും ഒന്നും നഷ്ടപ്പെട്ടിട്ടില്ല.
ഇന്നലെ രാത്രി മന്ന-ആലക്കോട് റോഡില് സയ്യിദ് നഗറില് പാലസ് വുഡ് ഇന്ഡസ്ട്രീസിന് സമീപം നിര്ത്തിയിട്ട മാരുതി സ്വിഫ്റ്റ് കാറിന്റെ ചില്ലാണ് തകര്ത്തത്. ഡ്രൈവറുടെ സീറ്റിന് സമീപത്തെ ചില്ലാണ് തകര്ത്തത്. കുറുമാത്തൂര് ഒ.കെ റോഡിലെ ദയാ മന്സിലില് അര്ഷാദിന്റെ ഉടമസ്ഥതയിലുള്ളതാണ് കാര്.
രണ്ടുദിവസമായി ഇവിടെ നിര്ത്തിയിട്ടിരിക്കയായിരുന്ന കാറിന്റെ ചില്ല് ഇന്ന് രാവിലെയാണ് തകര്ക്കപ്പെട്ട നിലയില് കണ്ടെത്തിയത്. നാട്ടുകാര് വിവരമറിയിച്ചത്പ്രകാരം പോലീസ് സ്ഥലത്തെത്തി അന്വേഷണം നടത്തി. തളിപ്പറമ്പില് മൂന്ന് മാസത്തിനിടയില് അജ്ഞാതസംഘം ചില്ല് അടിച്ചുതകര്ക്കുന്ന പത്താമത്തെ കാറാണിത്.
നേരത്തെ നടന്ന സംഭവങ്ങളില് രണ്ട് കാറുകളില് നിന്നായി 5.25 ലക്ഷം രൂപ മോഷ്ടിക്കപ്പെട്ടിരുന്നു. തളിപ്പറമ്പ് ഡിവൈഎസ്പി എം.കൃഷ്ണന്റെ നേതൃത്വത്തില് രൂപീകരിച്ച മൂന്ന് അന്വേഷണ സംഘങ്ങള് കാര് തകര്ക്കല് സംഘത്തെ കണ്ടെത്താനായി അന്വേഷണം ആരംഭിച്ചിട്ടുണ്ട്.
https://www.facebook.com/Malayalivartha
