സംസ്ഥാനത്ത് വരുന്ന ലോക്‌സഭ തിരഞ്ഞെടുപ്പില്‍ എന്‍ഡിഎ അക്കൗണ്ട് തുറക്കുമെന്ന് മാതൃഭൂമി ന്യൂസ് - എ.സി നീല്‍സണ്‍ സര്‍വെ ഫലം. തലസ്ഥാന നഗരിയിൽ 40 ശതമാനം വോട്ട് നേടി എന്‍ഡിഎ സ്ഥാനാര്‍ഥി കുമ്മനം രാജശേഖരന്‍ വിജയിക്കുമെന്നാണ് സര്‍വേ ഫലം പറയുന്നത്. കേരളത്തില്‍ 14 സീറ്റ് നേടി യു.ഡി.എഫ് വ്യക്തമായ മുന്‍തൂക്കം നേടുമ്പോള്‍ എല്‍.ഡി.എഫ് അഞ്ച് സീറ്റിലേക്ക് ഒതുങ്ങുമെന്നും സര്‍വേ ഫലം പറയുന്നു. മാതൃഭൂമി ന്യൂസും പ്രമുഖ സര്‍വേ ഏജന്‍സിയായ എ.സി. നീല്‍സണും ചേര്‍ന്ന് നടത്തിയ അഭിപ്രായ ഫലമാണ് ഇപ്പോൾ പുറത്തു വന്നിരിക്കുന്നത് .

 കണ്ണൂരും കാസര്‍കോടും യു.ഡി.എഫ് തിരിച്ചുപിടിക്കുമെന്നും മാതൃഭൂമി ന്യൂസ് - എ.സി നീല്‍സണ്‍ സര്‍വെ ഫലം പറയുന്നു . കാസര്‍കോട്ടെ 43 ശതമാനം വോട്ടര്‍മാര്‍ യു.ഡി.എഫിനെ പിന്തുണയ്ക്കുമ്പോള്‍ 35 ശതമാനം വോട്ടര്‍മാരാണ് എല്‍ഡിഎഫിനെ പിന്തുണയ്ക്കുന്നത്. 21 ശതമാനം വോട്ടര്‍മാര്‍ എന്‍.ഡി.എയെ പിന്തുണയ്ക്കുന്നു.

ഇഞ്ചോടിഞ്ച് മത്സരം നടക്കുമെന്ന് സര്‍വേ പ്രവചിക്കുന്ന കണ്ണൂരില്‍ 47 ശതമാനം വോട്ടര്‍മാര്‍ യു.ഡി.എഫിനെ പിന്തുണയ്ക്കുമ്പോള്‍ 44 ശതമാനം എല്‍.ഡി.എഫിനെയും പിന്തുണക്കുന്നു. അഞ്ച് ശതമാനം വോട്ടര്‍മാരാണ് എന്‍.ഡി.എയെ ഇവിടങ്ങളിൽ പിന്തുണയ്ക്കുന്നത്.

പ്രധാനമന്ത്രി നരേന്ദ്രമോദിയുടെ പ്രകടനം വളരെ മോശമെന്ന് അഭിപ്രായ സര്‍വെയില്‍ പങ്കെടുത്ത 57 ശതമാനം പേര്‍ അഭിപ്രായപ്പെട്ടു.

വളരെ നല്ലതെന്ന് 23 ശതമാനം വോട്ടര്‍മാരും ശരാശരി എന്നത് 5 ശതമാനം വോട്ടര്‍മാരും പറയുന്നു. നല്ലത് എന്നത് 7 ശതമാനം വോട്ടര്‍മാരും മോശം എന്ന് എട്ട് ശതമാനം വോട്ടര്‍മാരും പറയുന്നു.

കേന്ദ്ര സര്‍ക്കാരിന്റെ പ്രകടനവും വളരെ മോശം എന്ന് 57 ശതമാനം വരുന്ന സര്‍വേയില്‍ പങ്കെടുത്ത വോട്ടര്‍മാര്‍ പറയുന്നു. 14 ശതമാനം വളരെ നല്ലത് എന്നും ശരാശരി എന്ന് ആറ് ശതമാനം ആളുകളും പറയുന്നു. മോശം എന്ന് എട്ട് ശതമാനം ആളുകളും അഭിപ്രായപ്പെട്ടു.

പിണറായിയുടെ പ്രകടനം വളരെ നല്ലതെന്ന് 32 ശതമാനം അഭിപ്രായപ്പെട്ടപ്പോള്‍ വളരെ മോശമെന്ന് 24 ശതമാനമാണ് പറഞ്ഞത്. മേശമെന്ന് എട്ട് ശതമാനവും ശരാശരിയെന്ന് 21 ശതമാനവും പറഞ്ഞപ്പോള്‍ എല്‍.ഡി.എഫ് സര്‍ക്കാരിന്റെ പ്രകടനം വളരെ നല്ലതെന്ന് 31 ശതമാനവും ശരാശരിയെന്ന് 17 ശതമാനവും പറഞ്ഞപ്പോള്‍ നല്ലതെന്ന് 13 ശതമാനവും മോശമെന്ന് 16 ശതമാനം അഭിപ്രായപ്പെട്ടു. സര്‍ക്കാരിന്റെ പ്രകടനം വളരെ മോശമെന്ന് അഭിപ്രായപ്പെട്ടത് 22 ശതമാനമാണ്.

അഭിപ്രായ സര്‍വെ പ്രകാരം ഓരോ മുന്നണിക്കും ലഭിക്കുന്ന വോട്ട് ശതമാനം.

തിരുവനന്തപുരം എല്‍ഡിഎഫ്- 23 യു.ഡി.എഫ്- 33 എന്‍.ഡി.എ- 40

ആറ്റിങ്ങല്‍ എല്‍ഡിഎഫ്- 46 യു.ഡി.എഫ്- 38 എന്‍.ഡി.എ- 10

കൊല്ലം എല്‍ഡിഎഫ്- 39 യു.ഡി.എഫ്- 47 എന്‍.ഡി.എ- 8

ആലപ്പുഴ എല്‍ഡിഎഫ്- 35 യു.ഡി.എഫ്- 47 എന്‍.ഡി.എ- 9

മാവേലിക്കര എല്‍ഡിഎഫ്- 35 യു.ഡി.എഫ്- 44 എന്‍.ഡി.എ- 18

പത്തനംതിട്ട എല്‍ഡിഎഫ്- 29 യു.ഡി.എഫ്- 32 എന്‍.ഡി.എ- 31

ചാലക്കുടി എല്‍ഡിഎഫ്- 37%, യു.ഡി.എഫ്- 39%, എന്‍.ഡി.എ- 14%

എറണാകുളം എല്‍ഡിഎഫ്- 34%, യു.ഡി.എഫ്- 45%, എന്‍.ഡി.എ- 15%

ഇടുക്കി എല്‍ഡിഎഫ്- 36%, യു.ഡി.എഫ്- 42%, എന്‍.ഡി.എ- 16%

പാലക്കാട് എല്‍ഡിഎഫ്- 34%, യു.ഡി.എഫ്- 30%, എന്‍.ഡി.എ- 31%

ആലത്തൂര്‍ എല്‍ഡിഎഫ്- 44%, യു.ഡി.എഫ്- 37%, എന്‍.ഡി.എ- 16%,

തൃശൂര്‍ എല്‍ഡിഎഫ്- 36%, യു.ഡി.എഫ്- 39%, എന്‍.ഡി.എ- 17%,

മലപ്പുറം എല്‍ഡിഎഫ്- 39%, യു.ഡി.എഫ്- 48 %, എന്‍.ഡി.എ- 8%

പൊന്നാന്നി എല്‍ഡിഎഫ്- 39%, യു.ഡി.എഫ്- 45%, എന്‍.ഡി.എ- 10%

വടകര എല്‍ഡിഎഫ്- 43% , യുഡി.എഫ്- 41%, എന്‍.ഡി.എ- 12%

കോഴിക്കോട് എല്‍ഡിഎഫ്- 42%, യുഡി.എഫ്- 39%, എന്‍.ഡി.എ- 14%

വയനാട് എല്‍ഡിഎഫ്- 34%, യുഡി.എഫ്- 42%, എന്‍.ഡി.എ- 13%

കാസര്‍കോട് യു.ഡി.എഫ് - 43%, എല്‍.ഡി.എഫ്- 35%, എന്‍.ഡി.എ - 21%

കണ്ണൂര്‍ യു.ഡി.എഫ് - 47%, എല്‍.ഡി.എഫ്- 44%, എന്‍.ഡി.എ - 5%