പത്തനംതിട്ടയിൽ എൻ.ഡി.എ സ്ഥാനാർത്ഥിയായ കെ.സുരേന്ദ്രന്റെ പര്യടനം പകടർത്താൻ വിദേശ മാധ്യമമായ ന്യൂയോർക്ക് ടൈംസ് കേരളത്തിലെത്തിയത് ചർച്ചയാവുകയാണ്. ന്യൂയോർക്ക് ടൈംസിൽ നിന്നുള്ള വനിതാ മാധ്യമപ്രവർത്തകയും സംഘവുമാണ് രണ്ടു മണിക്കൂറിലധികം സുരേന്ദ്രനായി കാത്തു നിന്നത്.

ആറന്മുള നിയോജക മണ്ഡലത്തിലെ പര്യടനത്തിന്റെ ഉദ്ഘാടനം തീരുമാനിച്ചിരുന്നത് തറയിൽമുക്ക് ജംക്ഷനിൽ രാവിലെ 8.30നായിരുന്നു, വേദിയും അലങ്കാരങ്ങളും സജ്ജമായിരുന്നെങ്കിലും നിശ്ചയിച്ച സമയം പിന്നിട്ടിട്ടും സംഘാടകർ എത്തിയില്ല. ഈ സമയമത്രയും ന്യൂയോർക്ക് ടൈംസ് ലേഖികയും സംഘവും സ്ഥാനാർത്ഥിക്കായി കാത്തുനിൽക്കുകയായിരുന്നു.

ഒടുവിൽ രണ്ട് മണിക്കൂറിലധികം വൈകിയാണ് ചടങ്ങുകൾ തുടങ്ങിയത്. ഇതോടെ മാദ്ധ്യധ്യമ സംഘം ഉഷാറായി. സ്വീകരണവും നന്ദി പ്രകടനവുമെല്ലാം അവർ ക്യാമറയിൽ പകർത്തി. സ്ഥാനാർഥി തുറന്ന വാഹനത്തിൽ കയറിയതോടെ മൂന്നംഗം സംഘവും കൂടെ കയറി.കോഴിപ്പാലം, നീർവിളാകം എന്നിവിടങ്ങളിലെ സ്വീകരണങ്ങൾക്കു ശേഷമാണ് പര്യടനം എഴിക്കാട് കോളനിയിലെത്തിയത്. ഇവിടെ സ്വീകരണം പൂർത്തിയായതോടെ സുരേന്ദ്രനുമായുള്ള കൂടിക്കാഴ്ചയും പകർത്തിയാണ് സംഘം മടങ്ങിയത്.