കൂത്തുപറമ്പിൽ വാഹനാപകടത്തിൽ ബൈക്ക് യാത്രികരായ രണ്ടു യുവാക്കൾക്ക് ദാരുണാന്ത്യം. പിണറായി വെണ്ടുട്ടായി സിന്ധു നിവാസിൽ രാജന്റെ മകൻ വൈഷ്ണവ് (20), താഴെ കായലോട് യുവരശ്മി ക്ലബ്ബിനു സമീപം രാജന്റെ മകൻ വൈഷ്ണവ് (19) എന്നിവരാണ് മരിച്ചത്.ഇന്നു (തിങ്കൾ) പുലർച്ചെ ഒന്നോടെ കൂത്തുപറമ്പ്- കണ്ണൂർ റോഡിൽ കൂത്തുപറമ്പ് പുറക്കളം പോസ്റ്റാഫീസ് സ്റ്റോപ്പിനടുത്ത് വെച്ചായിരുന്നു അപകടം.

കണ്ണൂർ ഭാഗത്തേക്ക് പോവുകയായിരുന്ന KL59 H 4100 കാറും എതിർ ഭാഗത്തേക്കു പോവുകയായിരുന്ന KL 58 w 4950 പൾസർ ബൈക്കും കൂട്ടിയിടിക്കുകയായിരുന്നു. ബൈക്ക് യാത്രികരായിരുന്നു മരിച്ച ഇരുവരും. രണ്ട് പേരുടേയും മൃതദേഹങ്ങൾ തലശ്ശേരി, കൂത്തുപറമ്പ് ആശുപത്രി മോർച്ചറികളിൽ.