ബൈക്കപകടത്തിൽ ഗുരുതരമായി പരുക്കേറ്റ പൊന്നുമകനെ കൂലിപ്പണിയെടുത്തും നാട്ടുകാരുടെ സഹായം തേടിയും ജീവിതത്തിലേയ്ക്ക് മടക്കികൊണ്ടുവന്നു; എന്നിട്ടും മനഃസാക്ഷിയില്ലാതെ ലഹരിക്കടിമപ്പെട്ട മകൻ ചായ ചൂടാക്കി നല്കാത്തതിന്റെ പേരിൽ അമ്മയെ മണ്ണെണ്ണയൊഴിച്ച് തീകൊളുത്തി...
ചായ ചൂടാക്കി നല്കാഞ്ഞതിന് അമ്മയെ മകന് മണ്ണെണ്ണയൊഴിച്ച് തീകൊളുത്തി. 50 ശതമാനത്തിലേറെ പൊള്ളലേറ്റ അമ്മ ലീലയെ (53) തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു. സംഭവത്തില് ലീലയുടെ മകന് വെസ്റ്റ് കോമ്പാറ കൈപ്പിള്ളി വീട്ടില് വിഷ്ണു(24)വിനെ
പൊലീസ് അറസ്റ്റ് ചെയ്തു. ഇയാളുടെ പേരില് വധശ്രമത്തിന് കേസെടുത്തിട്ടുണ്ട്. തിങ്കളാഴ്ച ഉച്ചയ്ക്ക് 11 മണിയോടെയാണ് സംഭവം. ചായ ചൂടാക്കി നല്കാത്തതിലുള്ള ദേഷ്യമാണ് സംഭവത്തിനു കാരണമെന്ന് പൊലീസ് പറഞ്ഞു. ആറുമാസം മുമ്ബ് ഒരു ബൈക്ക് അപകടത്തില് ഗുരുതരാവസ്ഥയിലായ വിഷ്ണുവിനെ കൂലിപ്പണിയെടുത്തും നാട്ടുകാരുടെ സഹായം സ്വരൂപിച്ചുമാണ് അമ്മ ലീല ജീവിതത്തിലേയ്ക്ക് മടക്കിക്കൊണ്ടുവന്നത്.
അപകടത്തില് വിഷ്ണുവിന്റെ ഒരു കണ്ണിന്റെ കാഴ്ചയും നഷ്ടമായി. വിവിധ തരം ലഹരിക്കടിമപ്പെട്ട വിഷ്ണു അമ്മയെ നിരന്തരം ദ്രോഹിക്കാറുണ്ടെന്ന് നാട്ടുകാര് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
https://www.facebook.com/Malayalivartha
