പിത്യപുണ്യം തേടി രാഹുല് ഇന്ന് വയനാട്ടില്; തിരുനെല്ലിയില് ക്ഷേത്രദര്ശനം നടത്തുന്ന രാഹുല് ഗാന്ധി പിതാവിന് ബലിതര്പ്പണം നടത്തും
രാഹുല് ഗാന്ധി ഇന്ന് വയനാട്ടില്. തിരുനെല്ലിയില് ക്ഷേത്രദര്ശനം നടത്തുന്ന രാഹുല് ഗാന്ധി പിതാവിന് ബലിതര്പ്പണം നടത്തും. പിന്നീട് തിരുവമ്പാടിയിലും വണ്ടൂരിലും പൊതുയോഗത്തില് സംസാരിക്കും. എസ്പിജിയുടെയും പൊലീസിന്റെയും കനത്ത സുരക്ഷാ വലയത്തിലാണ് തിരുനെല്ലിയും ബത്തേരിയും
രാവിലെ 9.50 ന് രാഹുല് ഗാന്ധി തിരുനെല്ലി ക്ഷേത്രത്തിന് ഒരു കിലോമീറ്റര് അകലെ തയാറിക്കിയ ഹെലിപാഡില് ഇറങ്ങും. രാജീവ് ഗാന്ധിയുടെ ചിതാഭസ്മം നിമഞ്ജനം ചെയ്ത സ്ഥലമെന്നതിനാല് തിരുനെല്ലിയോട് വൈകാരികമായ അടുപ്പം രാഹുലിനുണ്ട്.
ക്ഷേത്രദര്ശനവും പാപനാശിനിയില് പിതാവിനായി ബലിതര്പ്പണവും രാഹുല് ഗാന്ധി നടത്തും. അരമണിക്കൂറോളം രാഹുല് ഗാന്ധി ഇവിടെ ചിലവഴിക്കും. പത്തേ അമ്പതിന് ബത്തേരി സെന്റ് മേരീസ് കോളേജ് ഗ്രൗണ്ടില് ഹെലികോപ്റ്ററിലിറങ്ങും. ഇതിനടുത്ത് തന്നെയാണ് പൊതുസമ്മേളന വേദി. നാല്പത്തഞ്ച് മിനുട്ട് അവിടെ സംസാരിക്കും. ബത്തേരിയില് വന്ജനാവലിയെ എത്തിക്കാനുള്ള ഒരുക്കത്തിലാണ് കോണ്ഗ്രസ
ബത്തേരിയിലെ പരിപാടിക്ക് ശേഷം 1.10 ന് തിരുവമ്പാടിയില് പൊതുസമ്മേളനത്തില് പങ്കെടുക്കും. 2.40 തിനാണ് വണ്ടൂരിലെ പരിപാടി. വയനാട് മണ്ഡലത്തിലെ പര്യടനത്തിന് ശേഷം രാഹുല് ഗാന്ധി പാലക്കാട് തൃത്താലയിലേക്ക് തിരിക്കും. മാവോയിസ്റ്റ് സാന്നിധ്യം നിരന്തരമുണ്ടാകുന്ന മേഖലയാണ് തിരുനെല്ലി. എസ്പിജി പലതവണ പരിശോധനകള് നടത്തിയിരുന്നു. പഴുതടച്ച സുരക്ഷയാണ് ഒരുക്കിയിരിക്കുന്നത്.
https://www.facebook.com/Malayalivartha
