തലച്ചോറിനകത്ത് നിലയ്ക്കാതെ രക്തസ്രാവം, കെട്ടിടത്തില് നിന്ന് വീണെന്ന് പറഞ്ഞ് ആശുപത്രിയിലെത്തിച്ച മൂന്നുവയസുകാരന്റെ ശസ്ത്രക്രിയ പൂര്ത്തിയായിട്ടും, കുട്ടിയുടെ നില അതീവ ഗുരുതരമായി തുടരുന്നു...
ആലുവയിൽ തലക്ക് പരിക്കേറ്റ് സ്വാകര്യ ആശുപത്രിയില് എത്തിച്ച ഇതര സംസ്ഥാന തൊഴിലാളികളുടെ കുട്ടിയുടെ ശസ്ത്രക്രിയ പൂര്ത്തിയായി. കുട്ടിയുടെ നില അതീവ ഗുരുതരമായി തുടരുകയാണെന്നും മരുന്നുകളോട് പ്രതികരിക്കുന്നില്ലെന്നും ഡോക്ടര്മാര് വ്യക്തമാക്കി. തലച്ചോറിനകത്തെ രക്തസ്രാവം നിലച്ചിട്ടില്ല. ഗുരുതരാവസ്ഥയിലുള്ള കുഞ്ഞ് വെന്റിലേറ്ററിലാണ്.
തലയ്ക്ക് പരിക്കേറ്റ മൂന്നുവയസുകാരനെ ഇന്നലെയാണ് ആലുവയിലെ സ്വാകര്യ ആശുപത്രിയില് പ്രവേശിപ്പിച്ചത്. കെട്ടിടത്തില് നിന്ന് വീണെന്ന് പറഞ്ഞാണ് മാതാപിതാക്കള് കുഞ്ഞിനെ ആശുപത്രിയില് എത്തിച്ചത്. എന്നാല് കുഞ്ഞിന്റെ ശരീരത്തില് പൊള്ളലേറ്റ പാടുകളും കണ്ടതിനെ തുടര്ന്ന് ആശുപത്രി അധികൃതര് പോലീസിലും ചൈല്ഡ് ലൈനിലും വിവരമറിയിക്കുകയായിരുന്നു. ആശുപത്രിയിലെത്തിച്ച് അല്പസമയത്തിനകം കുഞ്ഞിനെ ഇവിടെനിന്ന് മാറ്റണമെന്നും മാതാപിതാക്കള് ആവശ്യപ്പെട്ടിരുന്നു. എന്നാല്, വെന്റിലേറ്ററിലുള്ള കുഞ്ഞിനെ മാറ്റാന് ആശുപത്രി അധികൃതര് തയ്യാറായില്ല.
https://www.facebook.com/Malayalivartha
