മൺറോതുരുത്തിനെ ലോകശ്രദ്ധയിലേയ്ക്കെത്തിച്ച ബാലഗോപാലിലെ അവർ മറന്നില്ല; കോരിച്ചൊരിഞ്ഞെത്തിയ വേനൽ മഴയെ അവഗണിച്ചും തങ്ങളുടെ വീര നായകനായി വോട്ടഭ്യർഥിച്ച് മൺറോതുരുത്ത് നിവാസികൾ
കൊല്ലം : മൺറോതുരുത്ത് നിവാസികള്ക്ക് കൊല്ലം പാർലമെന്റ് മണ്ഡലത്തിൽ വോട്ടില്ല. എങ്കിലും കോരിച്ചൊരിഞ്ഞെത്തിയ വേനൽ മഴയെ അവഗണിച്ച് മൺറോതുരുത്ത് നിവാസികൾ കെ. എൻ. ബാലഗോപാലന് വേണ്ടി വോട്ട് തേടി കൊല്ലം പട്ടണത്തിൽ ഇറങ്ങി. മുങ്ങിതാഴ്ന്നുകൊണ്ടിരുന്ന മൺറോതുരുത്തിനെ ലോകശ്രദ്ധയിലേക്ക് എത്തിച്ച ബാലഗോപാലിന് വിജയാശംസകളുമായിട്ടാണ് അവരെത്തിയത്. മൺറോതുരുത്ത് പഞ്ചായത്ത് പ്രസിഡന്റ് ബിനു കരുണാകരന്റെ നേതൃത്വത്തിൽ നൂറോളം വരുന്ന മൺറോതുരുത്ത് നിവാസികള് പെരുമണിൽ നിന്നും സൈക്കിൾ റാലിയായാണ് കൊല്ലത്തെത്തിയത്.
രാജ്യസഭാംഗമായിരിക്കെ കെ.എൻ. ബാലഗോപാലാണ് പാർലമെന്റിലും പരിസ്ഥിതി വ്യതിയാനങ്ങളെകുറിച്ച് തായ്ലന്റിൽ നടന്ന അന്താരാഷ്ട്ര സെമിനാറിലും മൺറോതുരുത്തിന്റെ പ്രശ്നങ്ങള് അവതരിപ്പിച്ചത്. ഇതിന്റെ ഭാഗമായി അന്താരാഷ്ട്ര പഠനസംഘങ്ങള് മൺറോതുരുത്തിലെത്തി.മൺറോതുരുത്തിന്റെ ടൂറിസം സാധ്യതകളും വർധിച്ചു. കെ.എൻ.ബാലഗോപാൽ മുൻ കൈയെടുത്ത് ഒരു ഭവനമാതൃകയും മൺറോത്തുരുത്തിനായി ഒരുക്കി. സി.പി.ഐ(എം) ജില്ലാ കമ്മിറ്റിയുടെ നേതൃത്വത്തിൽ മൺറോതുരുത്തിൽ നിർമ്മിക്കുന്ന ആംഫിബിയസ് വീടിന്റെ ശില്പിയും ബാലഗോപാലാണ്.
https://www.facebook.com/Malayalivartha