അ​ഞ്ചും മൂ​ന്നും ര​ണ്ടും വ​യ​സ്സു​ള്ള മൂ​ന്നു കു​ട്ടി​ക​ളെ വാ​ട​ക​വീ​ട്ടി​നു​ള്ളി​ല്‍ പൂ​ട്ടി​യി​ട്ടാണ് കോഴിക്കോട് അമ്മ മുങ്ങിയ സംഭവം ഇപ്പോൾ പുറത്ത് വരുന്നത്. കോഴിക്കോട് രാ​മ​നാ​ട്ടു​ക​ര നി​സ​രി ജംഗ്​​ഷ​നി​ലാ​ണ്​ സം​ഭ​വം. ഭക്ഷണമോ വെള്ളമോ പോലുമില്ലാത്ത വീട്ടില്‍ ഭയന്നു വിറച്ച്‌ കുട്ടികള്‍ കഴിഞ്ഞത് ഒരു ദിവസം. അയല്‍വാസി കരച്ചില്‍ കേള്‍ക്കാനിടയായതാണ് കുഞ്ഞുങ്ങള്‍ക്ക് രക്ഷയായത്. വ്യാ​ഴാ​ഴ്ച അ​ര്‍​ധ​രാ​ത്രി കു​ഞ്ഞു​ങ്ങ​ളു​ടെ ക​ര​ച്ചി​ല്‍ കേ​ട്ട ഇയാള്‍ വിവരം നാട്ടിലെ പ്രമുഖരെ അറിയിക്കുകയും ഇവര്‍ പിന്നീട് പോലീസിനെ അറിയിക്കുകയും ചെയ്തു. ക​ര്‍​ണാ​ട​ക സ്വ​ദേ​ശി​നി​യാ​യ യു​വ​തി, തൃശൂര്‍ സ്വദേശിയായ ഭ​ര്‍​ത്താ​വി​നൊ​പ്പ​മാ​ണ് ക​ഴി​ഞ്ഞ ആ​റു​മാ​സ​മാ​യി രാ​മ​നാ​ട്ടു​ക​ര​യി​ലെ വാ​ട​ക ​വീ​ട്ടി​ല്‍ ക​ഴി​യു​ന്ന​ത്.

ഇ​വ​രു​ടെ ഭ​ര്‍​ത്താ​വ് ഒ​രാ​ഴ്ച മു​മ്ബ് വീ​ട് വി​ട്ടി​രുന്നു​. വ്യാ​ഴാ​ഴ്ച ഉ​ച്ച​ക്ക് 12 മണിയോടെ കു​ട്ടി​ക​ളെ വീ​ട്ടി​ന​ക​ത്താ​ക്കി വീ​ട് പൂ​ട്ടി മാതാവും പോകുകയായിരുന്നു. മാ​താ​വ് തി​രി​ച്ചെത്താത്തതിനെ തുടര്‍ന്ന് കുട്ടികള്‍ കരഞ്ഞു. തട്ടുകട കച്ചവടക്കാരനായ അയല്‍ക്കാരന്‍ കച്ചവടം കഴിഞ്ഞെത്തുമ്ബോള്‍ കുട്ടികളുടെ കരച്ചില്‍ കേള്‍ക്കാന്‍ ഇടയാകുകയും വിവരം സ​മീ​പ​വാ​സി​യാ​യ രാ​മ​നാ​ട്ടു​ക​ര ഗ്രാ​മ​പ​ഞ്ചാ​യ​ത്ത് മു​ന്‍ വൈ​സ് പ്ര​സി​ഡ​ന്‍​റ്​ ഹ​സ്സ​ന്‍ മാ​നു​വി​നെ അറിയിക്കുകയുമായിരുന്നു. ഇ​ദ്ദേ​ഹം ഉ​ട​ന്‍ കു​ഞ്ഞു​ങ്ങ​ള്‍​ക്ക് ആ​ഹാ​രം എ​ത്തി​ക്കാ​ന്‍ ഏ​ര്‍​പ്പാ​ട് ചെ​യ്യു​ക​യും ഫ​റോ​ക്ക് പൊ​ലീ​സി​ല്‍ വി​വ​ര​മ​റി​യി​ക്കു​ക​യും ചെ​യ്തു.

കുട്ടികളെ കോ​ഴി​ക്കോ​ട് കോ​ട​തി​ക്ക് സ​മീ​പ​മു​ള്ള ശിശു സംരക്ഷണകേന്ദ്രമായ സെന്റ് വി​ന്‍​സ​ന്‍​റ്​ ഹോ​മി​ല്‍ പ്ര​വേ​ശി​പ്പി​ച്ചു. കുട്ടികളെ വീട്ടിനകത്ത് പൂട്ടിയിട്ടിട്ടു പോയതിന് രക്ഷിതാക്കള്‍ക്കെതിരെ പൊലീസ് ജുവനൈല്‍ ജസ്റ്റിസ് ആക്‌ട് പ്രകാരം കേസെടുത്തു. ഇവരെ കണ്ടെത്താനുള്ള അന്വേഷണത്തിലാണ് പൊലീസ്. പിഞ്ചു കുഞ്ഞുങ്ങള്‍ക്ക് നേരെയുള്ള മാതാപിതാക്കളുടെ ക്രൂരതയ്ക്ക് കേരളം നിരന്തരം സാക്ഷിയായി മാറുകയാണ് ഇപ്പോൾ. തൊടുപുഴയില്‍ രണ്ടാനച്ഛന്റെ മര്‍ദ്ദനത്തിനിരയായി ഏഴു വയസ്സുകാരനും ആലുവയില്‍ അമ്മയുടെ മര്‍ദ്ദനത്തിനിരയായി മൂന്നു വയസ്സുകാരനും കൊല്ലപ്പെട്ടതിന്റെ നടുക്കം മാറും മുൻപാണ് കോഴിക്കോട് പിഞ്ചു കുഞ്ഞുങ്ങളെ വീടിനുള്ളില്‍ പൂട്ടിയിട്ട് അന്യസംസ്ഥാനക്കാരിയായ മാതാവ് രക്ഷപ്പെട്ട സംഭവവും ഇപ്പോൾ പുറത്ത് വരുന്നത്..