അഭിപ്രായങ്ങള് നിവര്ന്ന നട്ടെല്ലോടെ നിര്ഭയം പറയുന്ന ബിജു ചേട്ടന്; വിമര്ശനങ്ങള്ക്ക് ചുട്ടമറുപടിയുമായി ഗോകുല് സുരേഷ്
അഭിപ്രായങ്ങള് നിവര്ന്ന നട്ടെല്ലോടെ നിര്ഭയം പറയുന്ന ബിജു ചേട്ടന്. വിമര്ശനങ്ങള്ക്ക് ചുട്ടമറുപടിയുമായി ഗോകുല് സുരേഷ്. തൃശൂര് ലോക്സഭാ മണ്ഡലത്തിലെ എന്.ഡി.എ സ്ഥാനാര്ത്ഥിയായ സുരേഷ് ഗോപിക്ക് പിന്തുണ നല്കിയതിന് നടന് ബിജു മേനോനോനും നടി പ്രിയ വാര്യര്ക്കുമെതിരെ കടുത്ത സൈബര് ആക്രമണമാണ് നേരിടേണ്ടി വന്നത്.
ബുധനാഴ്ച തൃശൂരില് സൗഹൃദ വേദി സംഘടിപ്പിച്ച സുരേഷ് ഗോപിയോടൊപ്പം എന്ന പരിപാടിയില് ബിജു മേനോനും പ്രിയാവാര്യരും പങ്കെടുത്തതിന് പിന്നാലെയാണ് സൈബര് ആക്രമണം ശക്തമായത്. സുരേഷ് ഗോപിയെ പിന്തുണച്ചതിനാല് ഇനി ബിജു മേനോന് ചിത്രങ്ങള് കാണില്ലെന്നാണ് ചിലരുടെ കമന്റ്. മലയാളികളുടെ മതേതരമനസുകളില് ബിജു മേനോന് ഒരു സ്ഥാനമുണ്ടെന്നും ഇത്തരക്കാരുടെ വക്കാലത്ത് പിടിച്ചു ആ സ്ഥാനം കളയരുതെന്നും മറ്റു ചിലര് പ്രതികരിച്ചു. എന്നാല് ബിജു മേനോനെ അനുകൂലിക്കുന്നവരും കുറവല്ല. എന്നാല് ഇപ്പോഴിതാ ബിജു മേനോനെതിരെ ഉയര്ന്ന വിമര്ശനങ്ങള് ചുട്ടമറുപടിയുമായി നടനും സുരേഷ് ഗോപിയുടെ മകനുമായ ഗോകുല് സുരേഷ് രംഗത്തെത്തിയിരിക്കുന്നു. 'ഇങ്ങനെ ഒരേപോലത്തെ കമെന്റുകള് തന്നെ പലയിടത്തും വായിച്ച് മടുത്തു. മനസിലാക്കുന്നവര് മനസിലാക്കിയാല് മതി. ബിജു മേനോന് എന്ന നടനോളം ഇഷ്ടം അഭിപ്രായങ്ങള് നിവര്ന്ന നട്ടെല്ലോടെ നിര്ഭയം പറയുന്ന ബിജു ചേട്ടന് എന്ന വ്യക്തിയെ!' ഗോകുല് ഫേസ്ബുക്കില് കുറിച്ചു.
കഴിഞ്ഞ ദിവസമാണ് സുരേഷ് ഗോപിയ്ക്ക് വേണ്ടി വോട്ട് അഭ്യര്ത്ഥിച്ച് ബിജു മേനോനും നടി പ്രിയ വാര്യരും പൊതുവേദിയില് എത്തിയത്. തൃശൂര് ലുലു ഇന്ര്നാഷണല് കണ്വെന്ഷന് സെന്ററില് വച്ചു നടന്ന സുരേഷ് ഗോപിയോടൊപ്പം ഒരു സായാഹ്നം എന്ന പരിപാടിയില് ഇവരെക്കൂടാതെ ടി.എന്.സുന്ദര് മേനോന്, ജി.സുരേഷ്കുമാര്, സെവന് ആര്ട്സ് വിജയകുമാര്, സന്തോഷ് എന്നിവരും പങ്കെടുത്തിരുന്നു. സുരേഷ് ഗോപിയെ ജനപ്രതിനിധിയായി കിട്ടിയാല് തൃശൂരിന്റെ ഭാഗ്യമാണെന്നും അദ്ദേഹത്തെ പോലെയൊരു മനുഷ്യസ്നേഹിയെ താന് വേറെ കണ്ടിട്ടില്ലെന്നും ബിജു മേനോന് പ്രസംഗത്തില് പറഞ്ഞിരുന്നു.
https://www.facebook.com/Malayalivartha
