താരാരാധനയാണെന്ന് ഒരു നിമിഷം സംശയിച്ചു; പക്ഷെ അങ്ങനൊരു ചിന്ത തന്നെ മണ്ടത്തരമാണെന്നു ആ കുട്ടിയുടെ മുഖം കണ്ടപ്പോള് മനസ്സിലായി;ഗര്ഭിണിയുടെ നിറവയറില് തലോടി സുരേഷ് ഗോപി
തിരഞ്ഞെടുപ്പ് പ്രചാരണങ്ങള് അവസാനത്തോട് അടുക്കുകയാണ്. നാളെ വൈകീട്ടാണ് കൊട്ടിക്കലാശം. ചൊവ്വാഴ്ച ഏവരും പോളിങ് ബൂത്തിലേക്ക്. അതിനിടയില് തന്റെ പ്രചാരണ തിരക്കിനിടയില് റോഡരികില് നിന്നിരുന്ന ഒരു ഗര്ഭിണിയുടെ നിറവയറില് കൈവച്ച് തലോടുന്ന നടനും തൃശൂരിലെ എന്ഡിഎ സ്ഥാനാര്ഥിയുമായ സുരേഷ് ഗോപിയുടെ ഒരു വീഡിയോ വൈറലായിരിക്കുകയാണ്. അമ്പി എന്നയാളാണ് ഫേസ്ബുക്കില് ഈ വീഡിയോ പങ്കുവെച്ചിരിക്കുന്നത്. അതോടൊപ്പം അദ്ദേഹം ഒരു കുറിപ്പ് പങ്കുവെച്ചിട്ടുമുണ്ട്. ഫേസ്ബുക്ക് പോസ്റ്റ്
ഗര്ഭിണിയായ ഒരു പെണ്കുട്ടി, അവളുടെ നിറവയറില് സ്പര്ശിച്ചു കുഞ്ഞിനെ അനുഗ്രഹിക്കാന് സുരേഷ് ഗോപിയോട് ആവശ്യപ്പെടുന്ന ഒരു വീഡിയോ ആണിത്. താരാരാധനയാണെന്ന് ഒരു നിമിഷം സംശയിച്ചു. പക്ഷെ അങ്ങനൊരു ചിന്ത തന്നെ മണ്ടത്തരമാണെന്നു ആ കുട്ടിയുടെ മുഖം കണ്ടപ്പോള് മനസ്സിലായി.
സഹോദരനിര്വിശേഷമായ, പിതൃതുല്യമായ ഒരു ബന്ധം ഉളവാകുന്ന വിധം ആ മനുഷ്യന് ചെയ്ത പുണ്യ കര്മങ്ങള്, തനിക്കില്ലാതെ പോലും മറ്റുള്ളവന് കൊടുക്കാന് കാട്ടിയ മനസ്സ്, അതിന്റെ ഫലം ഈ ജന്മത്തു തന്നെ അനുഭവിക്കാന് ദൈവാനുഗ്രഹം നേടിയ ഒരാള്. അസൂയപ്പെടാതെന്ത് ചെയ്യും !
നിങ്ങളുടെ രാഷ്ട്രീയത്തിന്റെ എതിര്വശത്തു നിന്നതു കൊണ്ട് നിര്ലോഭം അസഭ്യവര്ഷങ്ങള് ചൊരിഞ്ഞുകൊണ്ടിരുന്നിട്ടും ഇത്തരം കാഴ്ചകളാണ് മുഴുവന് നാം കണ്ടു കൊണ്ടിരിക്കുന്നത്. ഈ ചൊരുക്ക് തീര്ക്കലുകളില്, അസഭ്യവര്ഷങ്ങളില്, നിങ്ങളുടെ രാഷ്ട്രീയ മനോരോഗത്തിന്റെ മൂര്ച്ഛയില് അങ്ങ് തോല്പ്പിച്ചുകളയാന് പറ്റും എന്ന് തോന്നുന്നുണ്ടോ ഈ മനുഷ്യന് നേടിയെടുത്ത വിശ്വാസത്തെ, പുണ്യങ്ങളെ?
ഇയാള് നിങ്ങള്ക്ക് മുന്നില് തന്നെയുണ്ട്. രാഷ്ട്രീയക്കാരനാകുന്നതിന് മുന്നേ തന്നെ ഉണ്ടായിരുന്നു. നിരാലംബരായ കുഞ്ഞുങ്ങള്ക്ക് അച്ഛനായി, സഹോദരിമാര്ക്ക് മൂത്ത ജേഷ്ഠനായി, അമ്മമാര്ക്ക് മകനായി, കര്മ്മയോഗികള്ക്ക് മുന്നില് നിന്ന് നയിക്കുന്ന നായകനായി. അതെന്നും ഇവിടെ ഉണ്ടാവുകയും ചെയ്യും.''
https://www.facebook.com/Malayalivartha