തലസ്ഥാനത്തിന് താമരക്കാലം ; തിരുവനന്തപുരം മണ്ഡലത്തില് തുടക്കം മുതല് പ്രചാരണരംഗത്തുള്ള മേല്ക്കൈ ഇപ്പോഴും തുടരുകയാണെന്ന് എന്ഡിഎ സ്ഥാനാര്ത്ഥി കുമ്മനം രാജശേഖരന്
തിരുവനന്തപുരം മണ്ഡലത്തില് തുടക്കം മുതല് പ്രചാരണരംഗത്തുള്ള മേല്ക്കൈ ഇപ്പോഴും തുടരുകയാണെന്ന് എന്ഡിഎ സ്ഥാനാര്ത്ഥി കുമ്മനം രാജശേഖരന്. 14 ദിവസം നീണ്ടുനിന്ന സ്ഥാനാര്ത്ഥി പര്യടനത്തില് മണ്ഡലത്തിന്റെ മുക്കിലും മൂലയിലും കടന്നുചെന്ന് ജനങ്ങളോട് സംവദിക്കാനും അവരുടെ പ്രതികരണം ആരായാനും തനിക്ക് കഴിഞ്ഞെന്ന് കുമ്മനം രാജശേഖരന് പറഞ്ഞു. എല്ഡിഎഫും യുഡിഎഫും മാറിമാറി പ്രതിനിധീകരിച്ച മണ്ഡലമാണ് തിരുവനന്തപുരം. ജനങ്ങള് ഒരു മാറ്റം ആഗ്രഹിക്കുന്നുണ്ടെന്നാണ് തനിക്ക് മനസിലായതെന്നും കുമ്മനം പറഞ്ഞു.
ഇരു മുന്നണികളും പ്രചാരണത്തില് സജീവമായതിന് ശേഷം പ്രചാരണ രംഗത്തിറങ്ങിയത് വിജയസാധ്യത കുറയ്ക്കുന്നില്ല. പതിമൂന്ന് ലക്ഷത്തിലേറെ വോട്ടര്മാരരെ നേരിട്ട് കാണാന് തനിക്കായി. എന്ഡിഎയുടെ സംഘടനാപരമായ പ്രവര്ത്തനം ബൂത്ത് തലം മുതല് നേരത്തേ തന്നെ തുടങ്ങിയിരുന്നു. ജനങ്ങളുടെ സ്വപ്നങ്ങളും അഭിലാഷങ്ങളും തിരിച്ചറിഞ്ഞ് അവയ്ക്ക് സൃഷ്ടിപരമായ പരിഹാരം കണ്ടെത്താനുള്ള ശ്രമം നടത്തും. വ്യാപകമായും ആസൂത്രിതവും സുസംഘടിതവുമായി തെരഞ്ഞെടുപ്പ് പ്രവര്ത്തനം നടത്താന് കഴിഞ്ഞു എന്ന ആത്മവിശ്വാസവും ആത്മസംതൃപ്തിയും പ്രചാരണം അവസാനിക്കുന്ന ഘട്ടത്തില് തനിക്കുണ്ടെന്നും കുമ്മനം രാജശേഖരന് പറഞ്ഞു.
https://www.facebook.com/Malayalivartha
