കോച്ചിങിനെത്തിയ വിദ്യാര്ത്ഥിനികളെ പീഡിപ്പിച്ച കേസ്: ക്രിക്കറ്റ് കോച്ചിന്റെ നാലാമത്തെ കേസില് പ്രതിക്ക് ഇരുപത്തി എട്ടു വര്ഷം കഠിന തടവും അന്പത്തി നാലായിരം രൂപ പിഴയും
കോച്ചിങ്ങിനായി വന്ന വിദ്യാര്ത്ഥിനിയെ പീഡിപ്പിച്ച കേസില് ക്രിക്കറ്റ് കോച്ച് ആയ പ്രതി വള്ളക്കടവ് ശ്രീവരാഹം സ്വദേശി മനു എം (40)നെ നാലാമത്തെ കേസില് ഇരുപത്തി എട്ടു വര്ഷം കഠിന തടവും അന്പത്തി നാലായിരം രൂപ രൂപ പിഴയ്ക്കും തിരുവനന്തപുരം അതിവേഗ പ്രത്യേക പ്രത്യേക കോടതി ജഡ്ജി അഞ്ജു മീര ബിര്ള ശിക്ഷിച്ചു .ഏഴ് വര്ഷം അനുഭവിച്ചാല് മതി. മൂന്ന് കേസിലെയും ശിക്ഷ കാലാവധിക്ക് ശേഷമേ ഈ കേസിലെ ശിക്ഷ ആരംഭിക്കുകയുള്ളൂ എന്നും വിധിന്യായത്തില് പറയുന്നു. പ്രോസസിക്യുഷന് വാദം പരിഗണിച്ചാണ് കോടതി പ്രേത്യേകം ശിക്ഷ കാലാവധി വിധിച്ചത്.
പ്രതിക്ക് നാല് കേസുകളിലായി നൂറ്റി ഇരുപത്തി ഏഴു വര്ഷം തടവും രണ്ട് ലക്ഷത്തി ഇരുപത്തി മൂവായിരം രൂപ പിഴയും ആണ് വിധിച്ചത്. ഇതില് നാല്പത്തിരണ്ട് വര്ഷം തടവ് ശിക്ഷ അനുഭവിച്ചാല് മതിയാകും. 2018 ജൂണില് ആണ് കോച്ചിങ്ങിനായി കുട്ടി എത്തുന്നത് . ആദ്യ കുറച്ച് നാളുകള്ക്ക് ശേഷം കുട്ടിയെ പരിശീലനത്തിന് എന്ന് പറഞ്ഞ് അവിടത്തെ ജിമ്മിലേക്കും, ഫിറ്റ്നസിന്റെ ഭാഗം ആണെന്ന് പറഞ്ഞു അവിടുത്തെ ബാത്ത്റൂമിലേക്കും മറ്റും കൊണ്ട് പോയാണ് കുട്ടിയെ ലൈംഗീകമായി പീഡിപ്പിച്ചത് . ഇത് കൂടാതെ കുട്ടിയുടെ നഗ്ന ഫോട്ടോയും ഫിറ്റ്നസിന്റെ ഭാഗം എന്ന് പറഞ്ഞു പ്രതി എടുത്തു. ഇതിനാല് ഡിപ്രെഷപ്നില് ആയ കുട്ടി 2021 ഇല് കുട്ടി കോച്ചിംഗ് നിര്ത്തി.
പീഡനത്തില് മനംനൊന്ത് കുട്ടി ആത്മഹത്യയ്ക്കും ശ്രമം നടത്തിയിരുന്നു.വീട്ടുകാര് മനോരോഗ വിദഗ്ദ്ധനെ കാണിച്ച് കൂട്ടി ചികിത്സയിലായിരുന്നു. ക്രിക്കറ്റ് ഭാവി തുലയ്ക്കുമെന്ന് പ്രതി ഭീക്ഷണിപ്പെടുത്തിയതിനാല് കുട്ടി പുറത്ത് പറഞ്ഞില്ല.2024 ല് തിരുവനന്തപുരത്ത് വെച്ച് നടന്ന പെണ്കുട്ടികളുടെ ക്രിക്കറ്റ് ടൂര്ണമെന്റില് പങ്കടുക്കാന് എത്തിയ പീഡനത്തില് ഇരയായ ഒരു പെണ്കുട്ടി വര്ഷങ്ങള്ക്ക് ശേഷം പ്രതിയെ കണ്ടതിനെ തുടര്ന്ന് ഭയന്ന് ബഹളം വെച്ചപ്പോഴാണ് പീഡന സംഭവം പുറത്തറിയുന്നത്. ഈ കുട്ടിയുടെ പരാതി പുറത്തറിഞ്ഞതോടെയാണ് മറ്റ് കുട്ടികള്ക്കും കേസ് നല്കാനുള്ള ധൈര്യം ലഭിച്ചത്.
തുടര്ന്ന് പ്രതിക്കെതിരെ ആറ് കേസുകള് രജിസ്റ്റര് ചെയ്തു .ഇതില് നാല് കേസുകളിലും ശിക്ഷിച്ചു .ബാക്കി രണ്ട് കേസുകളുടെ ശാസ്ത്രീയ പരിശോധന റിപ്പോര്ട്ട് കിട്ടിയതിന് ശേഷം മാത്രമേ വിസ്താരം ആരംഭിക്കുകയുള്ളൂ. പ്രോസീക്യൂഷനു വേണ്ടി സ്പെഷ്യല് പബ്ലിക് പ്രൊസീക്യൂട്ടര് .ആര്.എസ് വിജയ് മോഹന് ഹാജരായി . കണ്ടോണ്മെന്റ് പോലീസ് ഇന്സ്പെക്ടര് പ്രജീഷ് ശശി, സബ് ഇന്സ്പെക്ടര്മാരായ ഷെഫിന്. എസ്, നിതിന് നളന് എന്നിവരാണ് കേസ് അന്വേഷണം നടത്തിയത്.
https://www.facebook.com/Malayalivartha
