കന്നി വോട്ടു ചെയ്യാന് ഒന്നിച്ചു പിറന്ന അഞ്ച് സഹോദരങ്ങള് നാളെ പോളിങ് ബൂത്തിലേക്ക്
കന്നി വോട്ടു ചെയ്യാന് ഒന്നിച്ചു പിറന്ന അഞ്ച് സഹോദരങ്ങള് നാളെ പോളിങ് ബൂത്തിലേക്ക് . ഒന്നിച്ചു പിറന്ന അഞ്ച് സഹോദരങ്ങള്ക്ക് പ്രായം 19 തികഞ്ഞു. കന്നി വോട്ടു ചെയ്യാന് അവരഞ്ചുപേരും നാളെ പോളിങ് ബൂത്തിലെത്തും. കുലശേഖരപുരം ആദിനാട് തെക്ക് കന്നേല്വീട്ടില് നാസര്റസീന ദമ്പതികളുടെ മക്കളായ മുഹമ്മദ് അമീന്, മുഹമ്മദ് ആദില്, സുമയ്യ, സുബിന, ഷബാന എന്നിവരാണ് കന്നിവോട്ടിനായി പോളിങ് ബൂത്തിലേക്ക് എത്തുന്നത്. ദമ്പതികളുടെ വിവാഹം കഴിഞ്ഞ് ഏഴുവര്ഷത്തെ കാത്തിരിപ്പിന് ശേഷമാണ് ഇവര് ഒന്നിച്ച് ജനിച്ചത്. അംഗന്വാടി മുതല് ഹയര് സെക്കന്ഡറി വരെ എല്ലാവരും ഒന്നിച്ചായിരുന്നു പഠനം. ഹൈസ്കൂള് തലത്തിലും ഹയര് സെക്കന്ഡറി തലത്തിലും കരുനാഗപ്പള്ളി ഗവ. ഹയര് സെക്കന്ഡറി സ്കൂളില് പഠിച്ചു.
പ്രവാസിയായ പിതാവ് നാസര് ഒരു വര്ഷമായി നാട്ടിലുണ്ട്. 1999 സെപ്റ്റംബര് 13ന് ഓച്ചിറ ചങ്ങന്കുളങ്ങരയിലെ സ്വകാര്യ ആശുപത്രിയിലായിരുന്നു ഇവര് ജനിച്ചത്. പെണ്കുട്ടികള് മൂന്നുപേരും ടി.ടി.സി കോഴ്സ് പൂര്ത്തിയാക്കി പരീക്ഷക്ക് തയ്യാറെടുക്കുകയാണ്. ആണ്കുട്ടികള് രണ്ടുപേരും കരുനാഗപ്പള്ളിയിലെ സ്വകാര്യ കോളജില് രണ്ടാംവര്ഷ ഡിഗ്രി വിദ്യാര്ഥികളാണ്.
കന്നിവോട്ട് ആദിനാട് തെക്ക് പനച്ചമൂട് മുസ്ലിം ജമാഅത്തിന്റെ അധീനതയിലുള്ള മുസ്ലിം എല്.പി.എസിലെ പോളിങ് ബൂത്തിലാണ്. രാവിലെതന്നെ മാതാപിതാക്കളോടൊപ്പമെത്തി വോട്ടുചെയ്യാനുള്ള തയ്യാറെടുപ്പിലാണ്. മതേതര ജനാധിപത്യവും ബഹുസ്വരതയും സംരക്ഷിക്കുന്ന സര്ക്കാര് വരുന്നതിന് വോട്ടുനല്കുമെന്നാണ് ഇവരുടെ അഭിപ്രായം.
https://www.facebook.com/Malayalivartha