കൈപ്പത്തിക്ക് വോട്ടിട്ടാൽ താമരചിഹ്നത്തിൽ വോട്ടു പോകുന്നുവെന്ന ഗുരുതര ആക്ഷേപത്തെ തുടർന്ന് സംഭവം വളരെ ഗൗരവമായി അന്വേഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല . കോവളത്ത് നിന്നാണ് പരാതി ഉയര്‍ന്നിരിക്കുന്നത്.

വോട്ടിംഗ് യന്ത്രത്തിൽ പാളിച്ച കണ്ടെത്തിയ സാഹചര്യത്തിൽ വോട്ടര്‍മാര്‍ ജാഗ്രത പാലിക്കണം. ഇക്കാര്യം ഗൗരവമായി എടുക്കണമെന്നും വിശദമായ പരിശോധന വേണമെന്നും പ്രതിപക്ഷ നേതാവ് ആവശ്യപ്പെട്ടു. വിവിപാറ്റ് രസീതുകൾ പ്രത്യേകം പരിശോധിക്കണമെന്ന് രമേശ് ചെന്നിത്തല വ്യക്തമാക്കി.