ഉപതെരഞ്ഞെടുപ്പിനായി ഓടിയ വകയിലുള്ള പണം ഇതുവരേയും കിട്ടിയിട്ടില്ലാത്തതിനാല് ഇലക്ഷന് ഡ്യൂട്ടിക്ക് നിയോഗിക്കപ്പെട്ട ഡ്രൈവര്മാര് എത്തിയില്ല; അറസ്റ്റ് ചെയ്ത് ഹാജരാക്കി
ചെങ്ങന്നൂരില് തെരഞ്ഞെടുപ്പു ജോലിക്കായി തഹസില്ദാര് നിയോഗിച്ചിരുന്ന സ്വകാര്യ വാഹനങ്ങള് ഡ്യൂട്ടിയ്ക്ക് എത്തിയില്ല.
പോലീസെത്തി അവരെ അറസ്റ്റ് ചെയ്ത് ഹാജരാക്കി. തെരഞ്ഞെടുപ്പ് ഡ്യൂട്ടിയ്ക്കായി 6 വാഹനങ്ങളാണ് ഏര്പ്പാട് ചെയ്തിരുന്നത്. അതില് നാല് ഡ്രൈവര്മാരാണ് വാഹനങ്ങളുമായി ജോലിക്ക് എത്താതിരുന്നത്.
പോലീസും മോട്ടോര് വാഹന ഉദ്യോഗസ്ഥരും ചേര്ന്ന് കഴിഞ്ഞ ദിവസം ഇവരെ അറസ്റ്റ് ചെയ്ത് ഡ്യൂട്ടിക്ക് ഹാജരാക്കുകയായിരുന്നു. കഴിഞ്ഞ ചെങ്ങന്നൂര് ഉപതിരഞ്ഞെടുപ്പ് പ്രവര്ത്തനങ്ങള്ക്കായി രാവും പകലും ഓടിയ 25-ല് പരം ടാക്സികള്ക്ക് ഡ്രൈവറുടെ ശമ്പളം ഒരു വര്ഷമായിട്ടും നല്കിയില്ല.
ഉദ്യോഗസ്ഥരുടെ യാത്രയ്ക്കും തെരഞ്ഞെടുപ്പ് സാമഗ്രികള് പോളിംഗ് സ്റ്റേഷനില് എത്തിക്കാനും വേണ്ടിയാണ് ടാക്സികള് ഉപയോഗിച്ചത്. ഈ തുക ലഭിക്കാത്തതിനാല് ആണ് ഡ്യൂട്ടിക്ക് ഹാജരാകാഞ്ഞതെന്ന് ഡ്രൈവര്മാര് പറഞ്ഞു.
https://www.facebook.com/Malayalivartha
