ബി ജെ പി അക്കൗണ്ട് തുറക്കും ; ബിജെപി ലോക്സഭയില് അക്കൗണ്ട് തുറക്കുമെന്ന് സംസ്ഥാന അധ്യക്ഷന് പി എസ് ശ്രീധരന്പിള്ള
ബിജെപി ലോക്സഭയില് അക്കൗണ്ട് തുറക്കുമെന്ന് സംസ്ഥാന അധ്യക്ഷന് പി എസ് ശ്രീധരന്പിള്ള. ബിജെപിക്ക് ജയിക്കാനുള്ള ഏറ്റവും നല്ല അവസരമാണ് ഇപ്പോഴുള്ളതെന്നും ശ്രീധരന്പിള്ള പറഞ്ഞു. തെരഞ്ഞെടുപ്പ് കമ്മീഷനെ പരോക്ഷമായി വിമര്ശിച്ചാണ് ശ്രീധരന്പിള്ള പോളിംഗ് ദിവസവും പ്രതികരിച്ചത്. റഫറി തന്നെ ഗോളടിക്കാന് നോക്കിയെന്നും നീതിക്ക് വേണ്ടി നിയമ നടപടി സ്വീകരിക്കുമെന്നും തെരഞ്ഞെടുപ്പ് ഓഫീസര് ടിക്കാറാം മീണയെ വിമര്ശിച്ച് ശ്രീധരന്പിള്ള പറഞ്ഞു.
രൂക്ഷവര്ഗീയ പരാമര്ശവുമായി ബിജെപി അധ്യക്ഷന് പി എസ് ശ്രീധരന്പിള്ള തിരഞ്ഞെടുപ്പിന് മുന്പ് തന്നെ രംഗത്തെത്തിരുന്നു. ആറ്റിങ്ങലില് എന്ഡിഎ സ്ഥാനാര്ത്ഥി ശോഭാ സുരേന്ദ്രന്റെ പ്രകടന പത്രിക പുറത്തിറക്കുന്നതിനിടെയായിരുന്നു ശ്രീധരന്പിള്ളയുടെ പരാമര്ശം.
ബാലാകോട്ട് കൊല്ലപ്പെട്ടവരുടെ ജാതിയും മതവും അന്വേഷിക്കുന്നവരുണ്ട്. ഭീകരവാദികള്ക്ക് തിരിച്ചടി കൊടുത്ത ശേഷം തിരിച്ചുവന്ന സൈനികരോട് എത്രപേര് അവിടെ കൊല്ലപ്പെട്ടുവെന്ന കണക്കെടുക്കണമെന്ന് രാഹുല് ഗാന്ധി, സീതാരാം യെച്ചൂരി എന്നിവര് പറഞ്ഞിരുന്നു.
ഈ പശ്ചാത്തലത്തില് ആളുകളുടെ ജാതിയും മതവും നോക്കി പരിശോധിക്കുന്ന അവസ്ഥ വരുമ്പോള് ഇസ്ലാം ആണെങ്കില് ചില അടയാളങ്ങള്, ഡ്രസ് ഒക്കെ മാറ്റി നോക്കണമെന്നായിരുന്നു പി എസ് ശ്രീധരന്പിള്ളയുടെ പരാമര്ശം.
https://www.facebook.com/Malayalivartha
