എ. സമ്പത്ത് എം പി.ക്കെതിരെ പി.കെ. ഫിറോസ്. തന്റെ ഫെയ്‌സ് ബുക്ക് പോസ്റ്റിലൂടെയാണ് അദ്ദേഹം സമ്പത്തിനെതിരെ ആഞ്ഞടിച്ചത്. സമ്പത്തിനെതിരെ കേസ് കൊടുക്കാന്‍ ഒരുങ്ങുകയാണ് ഫിറോസ്. 

മുന്‍ എം പി എന്ന ബോര്‍ഡ് വെച്ചൊരു കാറിന്റെ ചിത്രമാണ് ഇന്ന് സോഷ്യല്‍മീഡിയ ഏറ്റവുമധികം ചര്‍ച്ച ചെയ്തതെന്ന് ഫിറോസ് പോസ്റ്റില്‍ പറഞ്ഞു. അന്വേഷണത്തിനൊടുവില്‍ എ. സമ്പത്തിന്റേതാണ് കാറെന്നും കണ്ടു പിടിക്കുകയുണ്ടായി. എന്നാല്‍ ചിത്രം വ്യാജമാണെന്നാണ് സൈബര്‍ സഖാക്കള്‍ വാദിക്കുന്നത്. സമ്പത്തിന്റെ െ്രെഡവര്‍ ഫെയിസ് ബുക്ക് പോസ്റ്റിലൂടെ പറയുന്നത് കഴിഞ്ഞ മൂന്നു ദിവസമായി വളയം പിടിച്ചപ്പോള്‍ ഇങ്ങിനെ ഒരു ബോര്‍ഡ് കണ്ടിട്ടില്ലെന്നാണ്. മൂന്ന് ദിവസമായി യാത്ര ചെയ്ത സ്ഥലങ്ങളുടെ പേരും അദ്ദേഹം പറയുന്നുണ്ട്. അതേ സമയം സമ്പത്തിന്റെ വീട്ടിലെത്തിയ ചാനലുകളിലെ റിപ്പോര്‍ട്ടര്‍മാരോട് അദ്ദേഹം സംസാരിക്കാന്‍ തയ്യാറായതുമില്ല. ആകെ സംസാരിച്ചത് ഏഷ്യാനെറ്റ് ഓണ്‍ലൈന്‍ ന്യൂസിനോട് ഫോണിലും!!

ഇനി കാര്യത്തിലേക്ക് കടക്കാം. ഈ കാര്‍ നിര്‍ത്തിയിട്ടിരിക്കുന്നത് തിരുവനന്തപുരം എയര്‍പോര്‍ട്ടിന്റെ മുമ്പിലാണെന്നാണ് ഫിറോസിന്റെ വാദം . ഡ്രൈവര്‍ ഫെയിസ്ബുക്ക് പോസ്റ്റില്‍ ഇങ്ങിനെ ഒരു എയര്‍പോര്‍ട്ടിന്റെ കാര്യം പറയുന്നേ ഇല്ല. ഇനി സമ്പത്ത് പറയുന്നത് നോക്കൂ. ഞാന്‍ ഇങ്ങിനെ ഒരു കാറില്‍ യാത്ര ചെയ്തിട്ടില്ല. ചിത്രം ചിലപ്പോള്‍ വ്യാജമായിരിക്കാം. നോട്ട് ദ പോയന്റ് 'ചിലപ്പോള്‍''. അങ്ങേര്‍ക്ക് പോലും ഇത് വ്യാജമാണോ എന്നുറപ്പില്ല. 

ഇത്രയും ചര്‍ച്ചയായ സ്ഥിതിക്ക് ശ്രീ. സമ്പത്ത് ചില ചോദ്യങ്ങള്‍ക്ക് വിശദീകരണം നല്‍കേണ്ടതുണ്ട്. 

1) ചിത്രത്തില്‍ കാണുന്ന കാര്‍ അദ്ദേഹത്തിന്റേതാണോ?
2) ഈ ചിത്രത്തില്‍ കാണുന്ന എയര്‍പോര്‍ട്ടിന്റെ മുമ്പില്‍ അദ്ദേഹത്തിന്റെ കാര്‍ നിര്‍ത്തിയ സമയത്ത് Ex MP എന്ന ബോര്‍ഡ് ഘടിപ്പിച്ചില്ല എന്ന് ഉറപ്പിച്ച് പറയാന്‍ പറ്റുമോ?
3) അങ്ങിനെയെങ്കില്‍ എയര്‍പോര്‍ട്ട് മാനേജറുമായി സംസാരിച്ച് CCTV ദൃശ്യം പുറത്ത് വിടാന്‍ അദ്ദേഹം ആവശ്യപ്പെടുമോ?

നേരത്തെ പോസ്റ്റിയ ചിത്രം വ്യാജമാണെന്ന് തെളിയിച്ചാല്‍ പോസ്റ്റ് പിന്‍വലിക്കാനും നിരുപാധികം മാപ്പു പറയാനും തയ്യാറാണെന്നാണ് ഫിറോസിന്റെ വാദം. 

എക്‌സ് എം പി എന്ന ബോര്‍ഡ് സ്ഥാപിച്ച് ഒരു കാര്‍ എയര്‍പോര്‍ട്ടില്‍ യാത്ര ചെയ്യുന്നത് ഒരു പാതകമല്ല. റിട്ടയേഡ് ചീഫ് ജസ്റ്റിസ് എന്ന് വിരമിച്ച ജഡ്ജിമാര്‍ അവരുടെ വാഹനങ്ങളില്‍ ബോര്‍ഡ് സ്ഥാപിക്കാറുണ്ട്. അത് തങ്ങള്‍ക്ക് ഒരു പ്രത്യേക പരിഗണന ലഭിക്കുന്നതിനു വേണ്ടിയാണ്. അതു പോലെ എയര്‍പോര്‍ട്ടിലെത്തുന്ന എം.പി. കാറില്‍ ബോര്‍ഡ് സ്ഥാപിക്കുന്നതിനെ തെറ്റ് പറയാനാകില്ല. എന്നാല്‍ സമ്പത്തിനെ പോലെ ആവശ്യത്തിലേറെ പ്രസിദ്ധനായ ഒരാള്‍ക്ക് അതിന്റെ ആവശ്യമുണ്ടോ എന്നത് രണ്ടാമത്തെ കാര്യം. ബോര്‍ഡ് സ്ഥാപിച്ചെങ്കില്‍ അദ്ദേഹത്തെ വിവര്‍ശിക്കുന്നതില്‍ അര്‍ത്ഥവുമില്ല. 

പി.കെ. ഫിറോസ് ധാരാളം വിമര്‍ശിക്കുകയും കേസ് കൊടുക്കുകയും ചെയ്ത കെ.ടി. ജലീലില്‍ മന്ത്രി സ്ഥാനത്ത് തുടരുമ്പോള്‍ ഫിറോസിന്റെ സമ്പത്ത് യുദ്ധവും ജലീലിന്റെ ഭാവി പോലെയാകുമെന്ന കാര്യത്തില്‍ സംശയമില്ല.