ആന്തൂരിലെ പ്രവാസി വ്യവസായി സാജന്റെ ആത്മഹത്യ ദുഖകരമെന്ന് മുഖ്യമന്ത്രി
ആന്തൂരിലെ പ്രവാസി വ്യവസായി സാജന്റെ ആത്മഹത്യ ദുഖകരമെന്ന് മുഖ്യമന്ത്രി പിണറായി വിജയന് നിയമസഭയില് . കുറ്റവാളികളെ രക്ഷിക്കാന് സര്ക്കാരിന്റെ ഭാഗത്തുനിന്നും യാതോരു ശ്രമവുമുണ്ടായിട്ടില്ല. സാജന്റെ ഭാര്യ പരാതി തരുന്നതിന് മുമ്പ് നടപടി തുടങ്ങിയിരുന്നു.
ഭരണപരമായ വീഴ്ച അന്വേഷിക്കുന്നുണ്ടെന്നും പ്രതിപക്ഷത്തിന്റെ അടിയന്തര പ്രമേയ നോട്ടീസിന് മറുപടിയായി മുഖ്യമന്ത്രി പറഞ്ഞു. സിപിഎമ്മിനെ ആക്രമിക്കാന് പ്രതിപക്ഷം പി. ജയരാജനെ ഉപയോഗിക്കുന്നുവെന്നും മുഖ്യമന്ത്രി വ്യക്തമാക്കി. നഗരസഭ കൗണ്സില് തീരുമാനങ്ങള്ക്കെതിരായ അപ്പീലുകള് ഒരു മാസത്തിനുള്ളില് തീര്പ്പാക്കാന് നടപടിയെടുക്കുമെന്നും മുഖ്യമന്ത്രി വിശദമാക്കി. ഇതിനായി കൊച്ചിയിലും കോഴിക്കോടും ട്രിബ്യൂണല് തുടങ്ങും.
നഗരസഭ സെക്രട്ടറിമാരുടെ അധികാരങ്ങള് പരിമിതപ്പെടുത്തുമെന്നും മുഖ്യമന്ത്രി പറഞ്ഞു. അതേസമയം, ആന്തൂര് നഗരസഭ അധ്യക്ഷ പി.കെ. ശ്യാമളയെ സംരക്ഷിക്കാനാണ് മുഖ്യമന്ത്രി ശ്രമിക്കുന്നതെന്നു ചൂണ്ടിക്കാട്ടി പ്രതിപക്ഷം നടുത്തളത്തിലറങ്ങി പ്രതിഷേധിച്ചു. ഇതേതുടര്ന്ന് സഭ നിര്ത്തിവച്ചിരിക്കുകയാണ്.
https://www.facebook.com/Malayalivartha