സാജന്റെ കുടുമ്പത്തിന് ആശ്വാസമായി സുരേഷ് ഗോപി; കെട്ടിടത്തിന് അനുമതി നല്കിയാല് മാത്രം പ്രശ്നം പരിഹരിക്കപ്പെടില്ല; ഭസാജന്റെ കുടുംബത്തിന് നീതി കിട്ടിയേ തീരൂ; സംവങ്ങളെല്ലാം സാജന്റെ ഭാര്യയോട് ചോദിച്ച് മനസ്സിലാക്കിയെന്നും സുരേഷ് ഗോപി;
കണ്ണൂര് ആന്തൂരില് ആത്മഹത്യചെയ്ത പ്രവാസി സാജന്റെ കുടുമ്പത്തെ സന്ദര്ശിച്ച് സുരേഷ് ഗോപി. സാജന്റെ വേര്പാടില് അതീവ ദുഖിതരായ കുടുമ്പാംഗങ്ങളെ നെഞ്ചോട് ചേര്ത്ത് ആശ്വസിപ്പിച്ച ശേഷമാണ് സുരേഷ് ഗോപി മടങ്ങിയത്. ഏറെ നേരം അവരോടൊപ്പം ചെലവഴിച്ച അദേഹം സാജന്റെ കുടുമ്പത്തിന്റെ സങ്കടങ്ങള് ഏറെ നേരം കേട്ടിരുന്നു. സാജന്റെ ആത്മഹത്യയില് കുറ്റക്കാര്ക്കെതിരെ കര്ശന നടപടി എടുക്കണമെന്ന് സുരേഷ് ഗോപി എംപി ആവശ്യപ്പെട്ടു. അന്വേഷണം ശക്തമാക്കണമെന്നും.. സാജന്റെ കുടുമ്പത്തിന് നീതി ലഭ്യമാക്കണമെന്നും അദേഹം പറഞ്ഞു. സാജന്റെ കുടുമ്പത്തെ സന്ദര്ശിക്കാനെത്തിയ സുരേഷ് ഗോപിക്കൊപ്പം ബിജെപി ജില്ലാ വൈസ് പ്രസിഡന്റെ് കെ രാധാകൃഷ്ണന്. സംസ്ഥാന കൗണ്സില് അംഗം പ്രഭാകരന് കടന്നപ്പള്ളി, ബിനില് കണ്ണൂര്, പള്ളിപ്രം പ്രകാശന്, പി വിജയന് മങ്ങാട് തുടങ്ങിയവര് അദേഹത്തോടൊപ്പം ഉണ്ടായിരുന്നു.
ജീവനും സ്വത്തും സംരക്ഷിക്കപ്പെടുന്നില്ല, സര്ക്കാര് ആഞ്ഞുപിടിച്ച് ശ്രമിക്കണമെന്നും സുരേഷ് ഗോപി പറഞ്ഞു. ജനങ്ങളുടെ ജീവനും സ്വത്തിനും സംരക്ഷണം നല്കുന്നതില് സര്ക്കാര് ഏറെ പിന്നാക്കം പോയെന്നാണ് സാജന്റെ വീട് സന്ദര്ശിച്ച ശേഷം അദ്ദേഹം പറഞ്ഞ വാക്കുകള്. പ്രവാസി വ്യവസായിയായ സാജന് മികച്ച ഒരു സംരംഭം പ്രാവര്ത്തികമാക്കാനമാണ് ആന്തൂര് നഗരസഭ പരിധിയില് കണ്വെന്ഷന് സെന്റര് നിര്മ്മിച്ചത്. എന്നാല് അതിന്റെ പേരില് നഗരസഭാ അധികൃതര് അദ്ദേഹത്തെ ആത്മഹത്യയിലേക്ക് തള്ളിവിടുകയാണുണ്ടായതെന്ന് സുരേഷ് ഗോപി എം. പി. ആരോപിച്ചു. പൗരന്റെ ജീവനും സ്വത്തും സംരക്ഷിക്കേണ്ട ചുമതല സര്ക്കാറിനുണ്ട്. എന്നാല് ആ ഉത്തരവാദിത്വം സാജന്റെ കാര്യത്തില് നിറവേറ്റപ്പെട്ടില്ല. സര്ക്കാര് വളരെയധികം പിറകോട്ട് പോയ അവസ്ഥയാണ് ആന്തൂരിലുണ്ടായിട്ടുള്ളത്. സാജന്റെ ഭാര്യ ബീനയില് നിന്നും മറ്റ് കുടുംബാംഗങ്ങളില് നിന്നും സുരേഷ് ഗോപി വിവരങ്ങള് ചോദിച്ചറിഞ്ഞു. ബിജെപി. ജില്ലാ വൈസ് പ്രസിഡണ്ട് കെ. രാധാകൃഷ്ണന്, സംസ്ഥാന കൗണ്സില് അംഗം പ്രഭാകരന് കടന്നപ്പള്ളി, മറ്റ് നേതാക്കളായ ബിനില് കണ്ണൂര്, പള്ളിപ്രം പ്രകാശന്, രാഹുല് പി, വിജയന് മാങ്ങാട് എന്നിവരും സുരേഷ് ഗോപിയോടൊപ്പം ഉണ്ടായിരുന്നു.
നഗരസഭാ രേഖകളില് ചട്ടലംഘനമുണ്ടെന്ന് രേഖപ്പെടുത്തപ്പെട്ട പാര്ത്ഥാ കണ്വെന്ഷന് സെന്ററിന് കാര്യമായ കുറ്റങ്ങളൊന്നുമുണ്ടായിട്ടില്ല. കേവലം ദിവസങ്ങള് കൊണ്ട് ഇതെല്ലാം പരിഹരിക്കപ്പെടുകയും കണ്വെന്ഷന് സെന്ററിന് നഗരസഭാ സെക്രട്ടറി പരിശോധന നടത്തി അനുമതി നല്കാമെന്നും തദ്ദേശ ഭരണ വകുപ്പ് ഉത്തരവിട്ടു കഴിഞ്ഞു. തദ്ദേശ ഭരണ വകുപ്പു മന്ത്രി എ.സി. മൊയ്തീന് അഡീഷണല് ചീഫ് സെക്രട്ടറിയോട് പരിശോധന നടത്താന് നിര്ദേശിച്ചിരുന്നു. ഫയലുകള് വരുത്തി പരിശോധിച്ചപ്പോള് ചട്ടലംഘനം പരിഹരിച്ചുവെന്ന് ഉറപ്പ് വരുത്തി അനുമതി നല്കാനാണ് നിര്ദേശിച്ചിട്ടുള്ളത്. ഗുരുതരമായ ചട്ടലംഘനമോ കെട്ടിടത്തിന് ബലക്ഷയമോ ഇല്ലെന്നും അതിനാല് ചെറിയ പിഴവുകള് പരിഹരിച്ചു കഴിഞ്ഞാല് അനുമതി നല്കാമെന്ന് അഡീഷണല് ചീഫ് സെക്രട്ടറി നിര്ദേശിക്കുകയായിരുന്നു.
അതേസമയം മരണ ശേഷംമാണ് സാജന്റെ ആന്തൂര് പാര്ഥാസ് കണ്വെന്ഷന് സെന്റിന് അനുമതി നല്കാമെന്ന് ഉത്തരവ് പുറത്തിറങ്ങിയത്. തദ്ദേശ വകുപ്പ് അഡീഷണല് ചീഫ് സെക്രട്ടറിയുടേതായിരുന്നു ഉത്തരവ്. ചട്ടലംഘനങ്ങള് പരിഹരിച്ചെന്ന് നഗരസഭാ സെക്രട്ടറി ഉറപ്പുവരുത്തണം. ഒക്യുപന്സി സര്ട്ടിഫിക്കറ്റ് ഉടന് നല്കാനും സെക്രട്ടറിക്ക് നിര്ദേശം നല്കി. അനുമതി ലഭിക്കാത്തിനെ തുടര്ന്നാണ് പ്രവാസി വ്യവസായി സാജന് ആത്മഹത്യ ചെയ്തത്. ചട്ടലംഘനങ്ങള് പരിഹരിച്ച ഉടന് തന്നെ ഒക്യുപന്സി സര്ട്ടിഫിക്കറ്റ് നല്കാമെന്നാണ് തദ്ദേശ വകുപ്പ് അഡീഷണല് ചീഫ് സെക്രട്ടറിയുടെ ഉത്തരവില് പറയുന്നത്. ചട്ടലംഘനങ്ങള് ഉണ്ടായിരുന്നു. അത് പരിഹരിച്ചു. കുടുംബം ഇതുവരെ അപേക്ഷ നല്കിയില്ല. അപേക്ഷ നല്കിയ അന്നു തന്നെ സെക്രട്ടറി കണ്വെന്ഷന് സെന്ററില് എത്തി പരിശോധന നടത്തും. അന്നു തന്നെ അനുമതി നല്കാമെന്ന് നേരത്തെ സെക്രട്ടറി പ്രതികരിക്കുകയും ചെയ്തിരുന്നു
ബാല്ക്കണിയിലെ വിസ്താരം കുറയ്ക്കണം. കെട്ടിടത്തിന്റെ ചെരിവ് പരിഹരിക്കണം എന്ന നേരത്തെ ഉദ്യോഗസ്ഥര് ചൂണ്ടിക്കാട്ടിയിരുന്നു. ഈ പ്രശ്നങ്ങള് നിലവില് പരിഹരിച്ചിട്ടുണ്ട്.
https://www.facebook.com/Malayalivartha
