പ്രായം 26 വയസ്സായതിനാൽ പഠിച്ച് എഴുതി ജോലിയിൽ പ്രവേശിക്കനാകില്ല എന്ന ഭയത്തിലാണ് തട്ടിപ്പ് നടത്തിയതെന്ന് പ്രണവിന്റെ വെളിപ്പെടുത്തൽ. പ്രായം കൂടിവരുന്നതിനാലാണ് പി എസ് സി പരീക്ഷയില്‍ തട്ടിപ്പ് നടത്താന്‍ തീരുമാനിച്ചതെന്നും ഇപ്പോള്‍ 26 വയസ്സായ താൻ പഠിച്ചെഴുതിയാല്‍ പരീക്ഷ ജയിക്കില്ലെന്ന് ഉറപ്പുണ്ടെന്നും പ്രണവ് പറഞ്ഞു. പി എസ് സി തട്ടിപ്പ് കേസിലെ പ്രതിയായ പ്രണവ് ഇപ്പോൾ മൊഴി നൽകിയിരിക്കുകയാണ്. ഇനി വൈകിയാല്‍ പോലീസില്‍ ജോലി ലഭിക്കില്ലെന്ന കാര്യം ഉള്ളതിനാലാണ് തട്ടിപ്പ് ആസൂത്രണം ചെയ്തതെന്നും പ്രണവ് അന്വേഷണ സംഘത്തിനോട് പറഞ്ഞു.

അടുത്ത സുഹൃത്തു വഴിയാണ് തനിക്ക് ചോദ്യപ്പേപ്പര്‍ കിട്ടിയത് . പക്ഷേ ചോദ്യപേപ്പര്‍ ചോര്‍ത്തി കൊടുത്ത സുഹൃത്തിന്റെ വിവരങ്ങള്‍ പ്രണവ് വെളിപ്പെടുത്തിയിട്ടില്ല. ചോദ്യപേപ്പര്‍ ചോര്‍ത്തൽ, ഉത്തരങ്ങള്‍ പറഞ്ഞു നല്‍കൽ എന്നിവയിലടക്കം കൂടുതല്‍ പേര്‍ക്ക് പങ്കുണ്ടെന്നും പ്രണവ് അന്വേഷണ സംഘത്തോട് പറയുകയുണ്ടായി . ഇതോടെ തട്ടിപ്പ് കേസില്‍ കൂടുതല്‍ പേര്‍ പ്രതികളാകാനുള്ള സാധ്യത കൂടുതലാണ് . കേസിലെ ഒന്നാം പ്രതി ശിവരഞ്ജിത്തിന്റെ കൈയിൽ ഉണ്ടായിരുന്ന സ്മാര്‍ട്ട് വാച്ചുപയോഗിച്ചാണ് തട്ടിപ്പ് നടത്തിയതെന്നും പ്രണവ് അന്വേഷണ സംഘത്തിനോട് പറഞ്ഞു. പ്രണവും സഫീറും മറഞ്ഞിരുന്നു പ്രദേശങ്ങളിലും അന്വേഷണ സംഘം തെളിവെടുപ്പ് നടത്തി വരികയാണ് . അതേസമയം പ്രണവാണ് തട്ടിപ്പ് ആസൂത്രണം ചെയ്തതെന്നാണ് മറ്റ് പ്രതികളുടെ മൊഴി.