പാതിരാത്രിയിൽ പഴനി യാത്ര കഴിഞ്ഞ് മടങ്ങുന്നതിനിടെ അമ്മയുടെ കയ്യിൽ നിന്നും ഒന്നര വയസ് പ്രായമുള്ള കുഞ്ഞ് വഴുതി റോഡിൽ വീണ സംഭവം ആര് മറന്നിട്ടില്ല. രാജമല ഒൻപതാം മൈലിൽ വീണ കുഞ്ഞിനെ ഫോറസ്റ്റ് വാച്ചർമാരാണ് രക്ഷപ്പെടുത്തിയത്. എന്നാൽ ആ പൊന്നോമനയെ രക്ഷിച്ച പൊലീസ്-ഫോറസ്റ്റ് ഉദ്യോഗസ്ഥൻമാർക്ക് മധുര സമ്മാനം നൽകിയിരിക്കുകയാണ് ഒരു വ്യാപാരി.

അങ്കമാലിയിലെ കച്ചവടക്കാരനാണ് . ഉദ്യോഗസ്ഥർക്ക് ഓണ സമ്മാനമായി ചക്കരവരട്ടിയും ചിപ്പ്സും പാർസലായി എത്തിച്ച് കൊടുത്തത്. ബുധനാഴ്ച ഉച്ചയോടെയായിരുന്നു പൊലീസ് സ്റ്റേഷനിൽ സമ്മാനം എത്തിയത്. എസ്ഐയുടെ പേർക്കെത്തിയ സമ്മാന പൊതിയുടെ മുകളിൽ കുറിപ്പുകളൊന്നും ഇല്ലായിരുന്നു. ഇത് സംശയങ്ങൾക്ക് വഴി വച്ചു. പിന്നെ സമ്മാന പൊതി തുറന്നപ്പോൾ സംശയങ്ങൾ മാറി. ചക്കരവരട്ടിക്കും ചിപ്പ്സിനൊപ്പം പേരും ഫോൺ നമ്പർ എഴുതിയ കുറിപ്പും ഉണ്ടായിരുന്നു. അമ്മയുടെ കയ്യിൽ നിന്നും വീണ കുഞ്ഞിനെ മൂന്നാർ ജനറൽ ആശുപത്രിയിൽ എത്തിച്ച ഉദ്യോസ്ഥർക്ക് സ്നേഹത്തിൽ കലർന്ന സമ്മാനം അയച്ചു കൊടുക്കുകയായിരുന്നു .