ഉപതെരഞ്ഞെടുപ്പില്‍ മത്സരിക്കാനില്ലെന്ന് വ്യക്തമാക്കി സം​സ്ഥാ​ന ജ​ന​റ​ൽ സെ​ക്ര​ട്ട​റി കെ. സുരേന്ദ്രന്‍. എന്നാൽ കെ.​സു​രേ​ന്ദ്ര​ൻ ത​ന്നെ മ​ത്സ​രി​ക്ക​ണ​മെ​ന്ന് ബി​ജെ​പി സം​സ്ഥാ​ന സ​മി​തി​യോ​ഗ​ത്തി​ല്‍ ആ​വ​ശ്യം ഉയർന്നു. കോ​ന്നി​യി​ലോ മ​ഞ്ചേ​ശ്വ​ര​ത്തോ സു​രേ​ന്ദ്ര​ൻ മ​ത്സ​രി​ക്ക​ണ​മെ​ന്നാ​ണ് ആ​വ​ശ്യം ഉ​യ​ർ‌​ന്ന​ത്. എ​ന്നാ​ൽ മ​ത്സ​രി​ക്കാ​നി​ല്ലെ​ന്ന് ആ​വ​ർ​ത്തി​ച്ച സു​രേ​ന്ദ്ര​ന്‍ യോ​ഗം പൂ​ർ​ത്തി​യാ​ക്കും മു​മ്പ് മ​ട​ങ്ങുകയും ചെയ്തു.

പ​ത്ത​നം​തി​ട്ട ലോ​ക്‌​സ​ഭാ തെ​ര​ഞ്ഞെ​ടു​പ്പി​ൽ കോ​ന്നി​യി​ൽ എ​ൻ​ഡി​എ​യു​ടെ വോ​ട്ട് നി​ല ഉ​യ​ർ​ത്താ​ൻ സു​രേ​ന്ദ്ര​ന് ക​ഴി​ഞ്ഞ​തും മ​ണ്ഡ​ല​ത്തി​ൽ അ​ദ്ദേ​ഹ​ത്തി​നു​ള്ള പ​രി​ച​യ​വും ചൂ​ണ്ടി​ക്കാ​ട്ടി​യാ​ണ് മ​ത്സ​രി​ക്ക​ണ​മെ​ന്ന് ആ​വ​ശ്യ​മു​യ​ർ​ന്ന​ത്. കോ​ന്നി​യി​ല്‍ 28,000ത്തോ​ളം വോ​ട്ടു​ക​ള്‍ സ​മാ​ഹ​രി​ക്കാ​നും സു​രേ​ന്ദ്ര​നാ​യി​രു​ന്നു. എ​ന്നാ​ല്‍ കോ​ന്നി​യി​ലോ മ​ഞ്ചേ​ശ്വ​ര​ത്തോ അ​ല്ല ഈ ​ഉ​പ​തെ​ര​ഞ്ഞെ​ടു​പ്പി​ല്‍ ഒ​രു മ​ണ്ഡ​ല​ത്തി​ലും മ​ത്സ​രി​ക്കാ​ന്‍ താ​നി​ല്ലെ​ന്ന് സു​രേ​ന്ദ്ര​ന്‍ വ്യ​ക്ത​മാ​ക്കി. വ​ട്ടി​യൂ​ര്‍​ക്കാ​വി​ല്‍ മ​ത്സ​രി​ക്ക​ണ​മെ​ന്ന് മു​ന്‍ സം​സ്ഥാ​ന അ​ധ്യ​ക്ഷ​ന്‍ കു​മ്മ​നം രാ​ജ​ശേ​ഖ​ര​നോ​ടും ബി​ജെ​പി സം​സ്ഥാ​ന നേ​തൃ​ത്വം ആ​വ​ശ്യ​പ്പെ​ട്ടെ​ങ്കി​ലും അ​ദ്ദേ​ഹ​വും സ​മ്മ​തം മൂ​ളി​യി​ട്ടി​ല്ല.

സുരേന്ദ്രൻ സന്നദ്ധനാകാതെവന്നാൽ ശോഭാ സുരേന്ദ്രനെ സ്ഥാനാർത്ഥിയാക്കാനാണ് പാർട്ടിയുടെ ഉദ്ദേശ്യം. ശോഭാ സുരേന്ദ്രന് താത്പര്യമില്ലെങ്കിൽ ജില്ലാ പ്രസിഡന്റ് അശോകൻ കുളനടയോ ജനറൽ സെക്രട്ടറി ഷാജി ആർ.നായരോ ആയിരിക്കും സ്ഥാനാർത്ഥി.

മുതിര്‍ന്ന നേതാക്കള്‍ മത്സരരംഗത്തേക്ക് കടന്നു വരാത്തത് ബിജെപിയില്‍ സ്ഥാനാര്‍ത്ഥി നിര്‍ണ്ണയം ആശയകുഴപ്പത്തിലാക്കിയിരിക്കുകയാണ്.

ലോക്‌സഭാ തിരഞ്ഞെടുപ്പിൽ ബി.ജെ.പി. മികച്ച പ്രകടനം കാഴ്ചവെച്ച മഞ്ചേശ്വരം, വട്ടിയൂർക്കാവ്, കോന്നി മണ്ഡലങ്ങളിൽ മത്സരിക്കാനില്ലെന്ന പ്രമുഖനേതാക്കളുടെ നിലപാട് ജയസാധ്യത കുറയ്ക്കുമെന്നാണ് വിലയിരുത്തൽ. ഉപതിരഞ്ഞെടുപ്പുകളിൽ വോട്ട് കുറഞ്ഞ ചരിത്രമുള്ളതുകൊണ്ടാണ് നേതാക്കൾ പിന്മാറുന്നതെന്ന് വിമർശനം ഉയർന്നുകഴിഞ്ഞു.

2016-ൽ ചെങ്ങന്നൂരിൽ മത്സരിച്ച പി.എസ്. ശ്രീധരൻപിള്ളയെ ബി.ജെ.പി., ആർ.എസ്.എസ്. നേതാക്കൾ നിർബന്ധിച്ചാണ്, പിന്നീട് നടന്ന ഉപതിരഞ്ഞെടുപ്പിൽ രംഗത്തിറക്കിയത്. ഫലംവന്നപ്പോൾ വോട്ട് കുറയുകയായിരുന്നു.

അതേസമയം സംസ്ഥാനത്ത് അഞ്ചു നിയമസഭാ മണ്ഡലങ്ങളിലെ ഉപതിരഞ്ഞെടുപ്പിനുള്ള എൽഡിഎഫ് സ്ഥാനാർഥികളെ പ്രഖ്യാപിച്ചു. തിരുവനന്തപുരം മേയർ വി.കെ. പ്രശാന്ത് വട്ടിയൂർക്കാവിലും ഡിവൈഎഫ്ഐ സംസ്ഥാന വൈസ് പ്രസിഡന്റ് മനു സി.പുളിക്കൽ അരൂരും മറ്റൊരു വൈസ് പ്രസിഡന്റ് കെ.യു. ജനീഷ്കുമാർ കോന്നിയിലും മത്സരിക്കും. ഇടതുസ്വതന്ത്രനായ മനു റോയിയാണ് (എറണാകുളം) സ്ഥാനാർഥി. മുതിർന്ന പത്രപ്രവർത്തകൻ കെ.എം. റോയിയുടെ മകനാണ് മനു റോയ്. മഞ്ചേശ്വരത്തു സിപിഎം കാസർകോട് ജില്ലാ കമ്മിറ്റിയംഗം ശങ്കർ റൈ മത്സരിക്കും. മുൻ എംഎൽഎയും സിപിഎം സംസ്ഥാന കമ്മിറ്റി അംഗവുമായ സി.എച്ച്. കുഞ്ഞമ്പുവിനെ മഞ്ചേശ്വരത്തു പരിഗണിച്ചിരുന്നെങ്കിലും അവസാന നിമിഷം ശങ്കർ റൈയ്ക്ക് നറുക്ക് വീഴുകയായിരുന്നു. അഞ്ച് സീറ്റുകളിലും പുതുമുഖങ്ങളാണ് മത്സരിക്കുന്നത് എന്ന പ്രത്യേകതയും സിപിഎമ്മിന്റെ ഭാഗത്ത് നിന്ന് ഇത്തവണയുണ്ട്.

സംസ്ഥാന സെക്രട്ടേറിയറ്റ് യോഗത്തിനു ശേഷം സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനാണ് സ്ഥാനാർഥികളുടെ പേരുകൾ ഔദ്യോഗികമായി പ്രഖ്യാപിച്ചത്. സാമുദായിക സമവാക്യങ്ങൾ നോക്കിയല്ല സ്ഥാനാർഥികളെ നിർണയിച്ചതെന്നു കോടിയേരി വ്യക്തമാക്കി. ലോക്സഭാ തിരഞ്ഞെടുപ്പു സമയത്തുണ്ടായിരുന്ന രാഷ്ട്രീയ സാഹചര്യം മാറിയെന്നും കോടിയേരി പ്രതികരിച്ചു.