പൊതു സ്ഥലത്ത് മാലിന്യം തള്ളുന്നവരെ കുടുക്കാൻ വാട്ട്സ് ആപ്പ് ഉപയോപ്പെടുത്തി കോഴിക്കോട് നഗരസഭ. മാലിന്യം തള്ളുന്നതിൻറെ ദൃശ്യങ്ങൾ മൊബൈൽ ഫോണിൽ പകർത്തി അയച്ചാൽ സമ്മാനം നേടാനാകും. കോഴിക്കോട് നഗരസഭയാണ് ഈ ആശയം മുന്നോട്ട് വച്ചിരിക്കുന്നത്.

കോഴിക്കോട് നഗരസഭയുടെ വാട്സാപ്പ് നമ്പറിലേക്ക് ഇന്ന് മുതൽ വിവരം അയച്ച് തുടങ്ങാവുന്നതാണ്. കോഴിക്കോട് കോർപ്പറേഷൻ പരിധിയിൽ എവിടെയെങ്കിലും മാലിന്യം പൊതുസ്ഥലങ്ങളിൽ നിക്ഷേപിക്കുന്നതോ കത്തിക്കുന്നതോ ശ്രദ്ധയിൽപ്പെടുന്നവർക്ക്‌ ഫോട്ടോയോ വീഡിയോ പകർത്തി വാട്സ് നമ്പറിലേക്ക് അയക്കാം. കോർപ്പറേഷൻ ഒരുക്കിയിരിക്കുന്ന ഈ കാര്യത്തിനായി 9400394497 എന്ന നമ്പറിലേക്ക്‌ അയക്കാവുന്നതാണ്. കൃത്യമായ വിവരങ്ങങ്ങളാണ് നൽകുന്നതെങ്കിൽ പാരിതോഷികം കൊടുക്കുന്നതാണ്. എന്നാൽ ഇത് അയക്കുന്നവരുടെ വിവരങ്ങൾ രഹസ്യമായി സൂക്ഷിക്കും. നിരോധിച്ച പ്ലാസ്റ്റിക് കപ്പുകൾ, പ്ലെയിറ്റുകൾ, അലങ്കാര വസ്തുക്കൾ തുടങ്ങിയ വിൽപന നടത്തുന്നത് കണ്ടാലും വിവരം അറിയിക്കാൻ അറിയിപ്പുണ്ട്.