ബി ജെ പിക്കെതിരെ ശക്തമായ ആരോപണവുമായി വീണ്ടും അസദുദ്ദീന്‍ ഉവൈസി. മഹാത്​മാ ഗാന്ധിയെ വാക്കുകള്‍ കൊണ്ട്​ പുകഴ്​ത്തുന്ന ബി.ജെ.പിക്കാരുടെ മനസില്‍ ​ ഘാതകനായ നാഥുറാം ഗോഡ്​സെയാണെന്ന്​​ അദ്ദേഹം പറഞ്ഞു.

ഗോഡ്​സെ ഒറ്റ വെടിയില്‍ മഹാത്​മാഗാന്ധിയെ കൊലപ്പെടുത്തി. പക്ഷേ പുതിയ കാലത്തെ ​ഗോഡ്​സെമാര്‍ ഇന്ത്യയെ ദിനവും, ​കൊന്നുകൊണ്ടിരിക്കുന്നുവെന്നും അദ്ദേഹം പറയുകയുണ്ടായി.​ ബി.ജെ.പി സര്‍ക്കാര്‍ ഗാന്ധിജിയുടെ പേര്​ പറഞ്ഞ് ജനങ്ങളെ മാത്രമല്ല രാജ്യത്തെയും വഞ്ചിക്കുകയാണെന്ന് പറഞ്ഞ അദ്ദേഹം ഗാന്ധിജിയുടെ ഹിന്ദുസ്ഥാനെ ആധുനിക ഗോഡ്​സെമാര്‍ കൊലപ്പെടുത്തി കൊണ്ടിരിക്കുകയാണെന്നും കൂട്ടിച്ചേർത്തു​. ​ ഗാന്ധിയുടെ അനുയായികൾ ഇവരുടെ കൈയിൽ നിന്നും രാജ്യത്തെ രക്ഷിക്കാന്‍ പ്രവര്‍ത്തിക്കണമെന്ന​ അപേക്ഷിക്കുന്നുവെന്നും ​ ഉവൈസി വ്യക്തമാക്കി.