കനത്ത മഴക്ക് സാധ്യത; ഒന്പതു ജില്ലകളില് യെല്ലോ അലര്ട്ട്
സംസ്ഥാനത്ത് കനത്ത മഴയ്ക്കുള്ള സാധ്യത കണക്കിലെടുത്ത് സംസ്ഥാനത്തെ ഒന്പതു ജില്ലകളില് യെല്ലോ അലര്ട്ട് പ്രഖ്യാപിച്ചു. ചില ജില്ലകളില് ഇടിയോടും മിന്നലോടും കൂടി ശക്തമായ കാറ്റു വീശാന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
കാസര്ക്കോട്, കോഴിക്കോട്, മലപ്പുറം, വയനാട്, കോട്ടയം, ഇടുക്കി, പത്തനംതിട്ട, കൊല്ലം ജില്ലകളിലെ ചില പ്രദേശങ്ങളില് കാറ്റു വീശാന് സാധ്യതയുണ്ടെന്നാണ് മുന്നറിയിപ്പ്. ഈ പ്രദേശങ്ങളില് ഇടിയും മിന്നലും ഉണ്ടാവാനിടയുണ്ട്. ചെറിയ മഴയ്ക്കും സാധ്യതയെന്ന് മുന്നറിയിപ്പില് പറയുന്നു.
തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, വയനാട്, കണ്ണൂര് ജില്ലകളിലാണ് യെല്ലോ അലര്ട്ട് പുറപ്പെടുവിച്ചിട്ടുള്ളത്. ഈ ജില്ലകളില് മഴ കനക്കാന് സാധ്യതയുള്ളതിനാല് അധികൃതര് ജാഗ്രത പാലിക്കണം.
നാളെ സംസ്ഥാനത്ത് ഒരിടത്തും യെല്ലോ അലര്ട്ട് ഇല്ല. മറ്റന്നാള് ആലപ്പുഴ, എറണാകുളം, ഇടുക്കി, കോഴിക്കോട്, വയനാട്, കണ്ണൂര് ജില്ലകളില് ജാഗ്രതാ നിര്ദേശമുണ്ട്.
https://www.facebook.com/Malayalivartha
