എംപാനല് ഡ്രൈവര്മാരെ പിരിച്ചു വിടല്... കെഎസ്ആര്ടിസി പ്രതിസന്ധി രൂക്ഷം... ദീര്ഘദൂര സര്വീസുകള് ഉള്പ്പടെ ഒട്ടേറെ ഷെഡ്യൂളുകള് മുടങ്ങി, പല സര്വ്വീസുകളും റദ്ദാക്കി, അടിയന്തരഘട്ടത്തില് ദിവസവേതനാടിസ്ഥാനത്തില് ഡ്രൈവര്മാരെ നിയമിക്കാന് ഹൈക്കോടതിയുടെ അനുമതി തേടുമെന്ന് മന്ത്രി
എംപാനല് ഡ്രൈവര്മാരെ പിരിച്ചു വിട്ടതിനെ തുടര്ന്ന് കെഎസ്ആര്ടിസിയിലെ പ്രതിസന്ധി രൂക്ഷമായി. ദീര്ഘദൂര സര്വീസുകള് ഉള്പ്പടെ ഒട്ടേറെ ഷെഡ്യൂളുകള് മുടങ്ങി. പല സര്വ്വീസുകളും റദ്ദാക്കി. ദിവസവേതനാടിസ്ഥാനത്തില് ഡ്രൈവര്മാരെ നിയമിക്കാന് ഹൈക്കോടതിയുടെ അനുമതി തേടുമെന്ന് മന്ത്രി .
പിഎസ്സി പട്ടികയില് നിന്ന് നിയമനം നടത്തണമെന്നും എംപാനല് ഡ്രൈവര്മാരെ പിരിച്ചു വിടണമെന്നുള്ള ഹൈക്കോടതിയുടെ ഉത്തരവിനെ തുടര്ന്നാണ് അടിയന്തരമായി ഡ്രൈവര്മാരെ പിരിച്ചു വിട്ടത്. ഇതിനെ തുടര്ന്ന് ഇന്നലെയും ഇന്നും കെഎസ്ആര്ടിസിയുടെ ദീര്ഘദൂര സര്വീസുകള് ഉള്പ്പടെ ഒട്ടേറെ ഷെഡ്യൂളുകള് മുടങ്ങി. ഡ്രൈവര്മാരില്ലാത്തതിനാല് പല സര്വീസുകളും ഇന്ന് റദ്ദാക്കി. ഹ്രസ്വദൂര സര്വീസുകള് കുറച്ചുകൊണ്ട് പരമാവധി ദീര്ഘദൂരസര്വീസുകള് നടത്താനാണ് താല്ക്കാലിക തീരുമാനം.
ഹൈക്കോടതി നിര്ദേശം പാലിക്കാനുള്ള ബാധ്യത സര്ക്കാരിനുള്ളതിനാലും ഭരണഘടനാലംഘനം ആകാതിരിക്കാനുമാണ് ഹൈക്കോടതിയുടെ ഉത്തരവ് നടപ്പിലാക്കിയതെന്ന് ഗതാഗതമന്ത്രി എ കെ ശശീന്ദ്രന് വാര്ത്താസമ്മേളനത്തില് പറഞ്ഞു.അടിയന്തരഘട്ടത്തില് ദിവസവേതനാടിസ്ഥാനത്തില് ഡ്രൈവര്മാരെ നിയമിക്കാന് ഹൈക്കോടതിയുടെ അനുമതി തേടുമെന്ന് മന്ത്രി വ്യക്തമാക്കി.
https://www.facebook.com/Malayalivartha
