കൂടത്തായി കൊലപാതക പരമ്പരയില് അന്വേഷണം കൂടുതല് പേരിലേക്ക്.... ജോളിയെ സഹായിച്ചവരെ കേന്ദ്രീകരിച്ചാണ് അന്വേഷണം.... ജോളിയുമായി സൗഹൃദം സൂക്ഷിച്ചവരെ ഉടന് ചോദ്യം ചെയ്യാനും അന്വേഷണസംഘത്തന്റെ തീരുമാനം
കൂടത്തായി കൊലപാതക പരമ്പരയില് അന്വേഷണം കൂടുതല് പേരിലേക്കി നീളുന്നു. ജോളിയെ പല അവസരത്തില് സഹായിച്ചവരെ കേന്ദ്രീകരിച്ചാണ് അന്വേഷണം. ജോളിയുമായി സൗഹൃദം സൂക്ഷിച്ചവരെ ഉടന് ചോദ്യം ചെയ്യാനും അന്വേഷണ സംഘം തീരുമാനിച്ചു. ജോളിയുടെ ഒരു വര്ഷത്തെ ഫോണ് കോള് വിശദാശങ്ങളുടെ അടിസ്ഥാനത്തില് സംശയം തോന്നിയവരെയും ചോദ്യം ചെയ്യും. . ഭൂമി സ്വന്തമാക്കാനായി ഉണ്ടാക്കിയ ഒസ്യത്തില് ഒപ്പിട്ടവര്ക്ക് നേട്ടമുണ്ടോയോ എന്ന് വിശദമായി പരിശോധിക്കും. ഭൂമി ഇടപാടില് കൂടുതല് പേരുടെ പങ്കും അന്വേഷിക്കുന്നുണ്ട്.
മാത്രവുമല്ല എന്ഐടി ക്യാംപസിലും പരിസര പ്രദേശങ്ങളിലും എത്തി അന്വേഷണ സംഘം പലരുടെയും മൊഴി രേഖപ്പെടുത്തിയിട്ടുണ്ട്. ക്യാംപസിലും സമീപ സ്ഥലങ്ങളിലും ജോളിയെ കണ്ടിരുന്നതായി പലരും പൊലീസിന് മൊഴി നല്കിയതായാണ് ലഭിക്കുന്ന വിവരം. എന്നാല് എന്ഐടിയിലെ വ്യാജ ഐഡി കാര്ഡ് ഉണ്ടാക്കാന് ജോളിയെ സഹായിച്ചതാരെന്ന് ഉള്പ്പടെയുള്ള കാര്യങ്ങളില് അന്വേഷണം നടക്കുകയാണ്. റിമാന്റിലുള്ള 3 പ്രതികളെ ബുധനാഴ്ച കസ്റ്റഡിയില് വാങ്ങാന് ആവശ്യപ്പെട്ട് ബുധനാഴ്ച താമരശ്ശേരി കോടതിയില് അപേക്ഷ സമര്പ്പിക്കും. കൂടുതല് പേര് കേസില് പ്രതികളാകാനാണ് സാധ്യത.
https://www.facebook.com/Malayalivartha
