കന്നിമാസ പൂജകൾക്കായി ശബരിമല നട ഈ മാസം 16ന് വൈകുന്നേരം 5.30ന് തുറക്കും. തന്ത്രി ബ്രഹ്മദത്തന്റെ കാർമികത്വത്തിൽ മേൽശാന്തി ഇഡി പ്രസാദ് നമ്പൂതിരി നട തുറന്ന് ദീപം തെളിയിക്കുകയും ചെയ്യും. തുടർന്ന് ആഴിയിൽ അഗ്നി പടരും. കന്നി മാസ പൂജകൾ പൂർത്തിയാക്കി 21ന് രാത്രി 10ന് നട അടയ്ക്കുന്നതാണ്.

നെയ്യഭിഷേകം, കലശാഭിഷേകം, പടിപൂജ എന്നിവയുണ്ട്. കന്നിമാസ പൂജകളുടെ ഭാഗമായി വെർച്വൽ ക്യു ബുക്കിങ് ആരംഭിച്ചു.. https://sabarimalaonline.org/#/login എന്ന വെബ്‌സൈറ്റിൽ ബുക്ക് ചെയ്യാവുന്നതാണ്. https://www.onlinetdb.com/ എന്ന വെബ്‌സൈറ്റ് വഴി സന്നിധാനത്ത് ദേവസ്വം ബോർഡിന്റെ ഗസ്റ്റ് ഹൗസുകളിലും പിൽഗ്രിം സെന്ററുകളിലും മുറി ബുക്ക് ചെയ്യാനാകും.