കെഎസ്ആര്ടിസിയില് പ്രതിസന്ധി രൂക്ഷം... ശമ്പളം വിതരണം താറുമാറില്.... പ്രതിസന്ധി പരിഹരിക്കണമെന്നാവശ്യപ്പെട്ട് ഭരണകക്ഷി യൂണിയന് ഇന്ന് പ്രത്യക്ഷ പ്രക്ഷോഭ പരിപാടിക്ക് തുടക്കം കുറിക്കും
കെഎസ്ആര്ടിസിയില് പ്രതിസന്ധി രൂക്ഷമാകുന്നു. ഈ മാസം ശമ്പളം വിതരണം ചെയ്തിട്ടില്ല. താല്ക്കാലിക ഡ്രൈവര്മാരെ പരിച്ചുവിട്ടതുമൂലമുള്ള പ്രതിസന്ധി പൂര്ണമായും പരിഹരിക്കാനായിട്ടില്ല. യാത്രക്കാരും വരുമാനവും കൂടുതല് പ്രതീക്ഷിക്കുന്ന ദിവസങ്ങളില് ദിവസ വേതനക്കാരായ ഡ്രൈവര്മാരെ നിയോഗിക്കാനാണ് ഡിപ്പോകള്ക്ക് നല്കിയിരിക്കുന്ന നിര്ദ്ദേശം.
കഴിഞ്ഞ മാസം 18 വരെയുള്ള വരുമാനം തൊട്ടുമുമ്പുള്ള മാസത്തെ ശമ്പളം, സ്പെയര് പാര്ട്സ്, ടയര്, ഇന്ധനം എന്നിവക്കുള്ള ബാധ്യത തീര്ക്കാന് വിനിയോഗിക്കേണ്ടി വന്നു. ഇതാണ് ഈ മാസം ശമ്പളവിതരണം വൈകാന് കാരണമെന്നാണ് ഔദ്യോഗിക വിശദീകരണം.
സെപ്റ്റംബര് മാസം കെഎസ്ആര്ടിസിക്ക് 192 കോടി രൂപയായിരുന്നു വരുമാനം. എന്നാല് ജീവനക്കാര്ക്ക് ശമ്പളം കൊടുക്കാന് പണമില്ലാത്ത അവസ്ഥയിലാണ് കെഎസ്ആര്ടിസി. പ്രതിമാസം 86 കോടി രൂപയാണ് ശമ്പള വിതരണത്തിന് വേണ്ടത്.പ്രതിസന്ധി പരിഹരിക്കണമെന്നാവശ്യപ്പെട്ട് പ്രത്യക്ഷ പ്രക്ഷോഭ പരിപാടിക്ക് തുടക്കം കുറിക്കാനാണ് ഭരണകക്ഷി യൂണിയന് തീരുമാനിച്ചിരിക്കുന്നത്.
https://www.facebook.com/Malayalivartha
