ഇന്ന് മഹാനവമി.... വിവിധ ദേവി ക്ഷേത്രങ്ങളിലും പ്രത്യേകവേദികളിലും ശനിയാഴ്ച പുസ്തകങ്ങളുടെ പൂജവെപ്പ് നടന്നു... കുഞ്ഞുങ്ങളെ വിദ്യയുടെ ലോകത്തേക്ക് കൈപിടിച്ചുയര്ത്തുന്ന വിദ്യാരംഭചടങ്ങുകള് വിവിധ ക്ഷേത്രങ്ങളില് നാളെ നടക്കും
നവരാത്രി ആഘോഷത്തിലെ സുപ്രധാനമായ മഹാനവമി തിങ്കളാഴ്ച. വിജയദശമി ദിനമായ ചൊവ്വാഴ്ച, കുഞ്ഞുങ്ങളെ വിദ്യയുടെ ലോകത്തേക്ക് കൈപിടിച്ചുയര്ത്തുന്ന വിദ്യാരംഭചടങ്ങുകള് വിവിധ ക്ഷേത്രങ്ങളില് നടക്കും. വിവിധ ദേവി ക്ഷേത്രങ്ങളിലും പ്രത്യേകവേദികളിലും ശനിയാഴ്ച പുസ്തകങ്ങളുടെ പൂജവെപ്പ് നടന്നു. പുസ്തകത്തിനൊപ്പം സംഗീതോപകരണങ്ങളും ആയുധങ്ങളും പൂജക്ക് വെച്ചു.
അഷ്ടമി തിഥി ശനിയാഴ്ച വൈകീട്ടായതിനാലാണ് ഒരു ദിവസം നേരത്തേ പുസ്തകപൂജ നടന്നത്. കഴിഞ്ഞ വര്ഷവും ദുര്ഗാഷ്ടമിയുടെ തലേദിവസമായിരുന്നു പുസ്തകം പൂജക്കു വെച്ചത്. പൂജക്കു വെച്ച വസ്തുക്കള് ദശമി നാളിലാണ് പൂജ കഴിഞ്ഞ് എടുക്കുക. മഹാനവമി ദിനമായ തിങ്കളാഴ്ച ക്ഷേത്രങ്ങളില് പ്രത്യേക പൂജകളും മറ്റും നടക്കും. നൃത്ത, സംഗീത വിദ്യാലയങ്ങളിലും വിവിധ ചടങ്ങുകള് നടക്കും.
കേരളത്തിനു പുറത്ത്, കൊല്ലൂര് മൂകാംബിക ക്ഷേത്രത്തിലും ആയിരക്കണക്കിന് കുട്ടികള് എഴുത്തിനിരുത്താനായി എത്തും. കേരളത്തിലെ വിജയദശമി ആഘോഷങ്ങള്ക്കൊപ്പം കര്ണാടകയില് ദസറയും പശ്ചിമ ബംഗാളില് ദുര്ഗപൂജയും ആഘോഷിക്കും.
https://www.facebook.com/Malayalivartha
