കൂടത്തായിയിലെ കൊലപാതക പരമ്പരകളിൽ പ്രതികരണവുമായി അറസ്റ്റിലായ ജോളിയുടെ മകന്‍ റോമോ റോയി. കൂടത്തായിയില്‍ നടന്ന മരണങ്ങളില്‍ കുറ്റം ചെയ്തവര്‍ ആരായാലും ശിക്ഷിക്കപ്പെടട്ടെയെന്നാണ് റോമോ പറഞ്ഞു. 'എല്ലാ കാര്യങ്ങളും ക്രൈംബ്രാഞ്ച് തെളിയിക്കട്ടെ. കൃത്യമായ ഉത്തരം അന്വേഷണത്തിലൂടെ ലഭിക്കും. എനിക്ക് തളര്‍ന്നിരിക്കാനാകില്ല, അനുജനുണ്ട്, അവന്‍ തളര്‍ന്നുപോകും. അതിനാല്‍ പ്രതിസന്ധികളെ അതിജീവിക്കേണ്ടതുണ്ട്' റോമോ കൂട്ടിച്ചേര്‍ത്തു.