കൂടത്തായി കേസ് വെല്ലുവിളിയാണെന്ന് ഡി ജി പി ലോക്നാഥ് ബെഹ്‌റ. സയനൈഡ് എങ്ങനെ കിട്ടി എന്നത് കണ്ടുപിടിക്കണം. സയനൈഡ് ഉപയോഗത്തിന്റെ തെളിവുകൾ കണ്ടെത്തുക വലിയ വെല്ലുവിളിയാണ്. എന്നാൽ അത് അസാധ്യമല്ല. അത് കണ്ടുപിടിക്കാനുള്ള നീക്കം നടക്കുന്നു.

വേണമെങ്കിൽ സാമ്പിൾ വിദേശത്ത് അയക്കും. എല്ലാ വെല്ലുവിളികളെയും അതി ജീവിക്കാൻ കഴിയുമെന്ന് പ്രതീക്ഷിക്കുന്നതായും ഡി ജി പി ലോക്നാഥ് ബെഹ്‌റ പറഞ്ഞു. മാത്രമല്ല ഓരോ കേസിലും പ്രത്യേക എഫ് ഐ ആർ തയ്യാറാക്കുമെന്നും അദ്ദേഹം പറഞ്ഞു . അന്വേഷണ സംഘം വിപുലീകരിക്കാനും നീക്കം. കൂടത്തായി കൊലപാതക പരമ്പരയില്‍ അന്വേഷണം ഊര്‍ജ്ജിതമാക്കി മുന്നോട്ട് പോകുകയാണ് അന്വേഷണസംഘം.