നിഗൂഢതകള് ഏറുന്ന കൂടത്തായി കേസ് ; റീയല് എസ്റ്റേറ്റ് മുതല് പലിശയ്ക്ക് പണ ഇടപാടുകള് വരെ ജോളി ചെയ്തിരുന്നു!
കൂടത്തായി കൂട്ടക്കൊല കേസുമായി ബന്ധപ്പെട്ട അന്വേഷണംപുതിയ വഴിത്തിരിവിലേക്ക് നീങ്ങുന്നതായും സംഭവത്തില് കൂടുതല് കുറ്റകൃത്യങ്ങളും കൂടുതല് പ്രതികളും ഉള്പ്പെട്ടേക്കുമെന്നുമുള്ള സൂചനകളാണ് ലഭിച്ചുകൊണ്ടിരിക്കുന്നത്. റിയല് എസ്റ്റേറ്റ് മുതല് പണം പലിശക്ക് നല്കുന്ന ഇടപാടുകള് വരെ ജോളി നടത്തിയിരുന്നതായും എതിര്ത്ത മറ്റ് പലരെയും വധിക്കാന് ഇവര് ശ്രമിച്ചതായും ആരോപണം ഉയരുന്നു.
ജോളിക്ക് പിന്നില് സഹായികളായി രാഷ്ട്രീയ നേതാക്കളും അഭിഭാഷകരും ഉന്നതോദ്യോഗസ്ഥരും അടക്കം വന് റാക്കറ്റ് ഉണ്ടായിരുന്നതായിട്ടുള്ള തെളിവുകളാണ് പുറത്തവരുന്നത്. ജോളിയുടെ ഫോണ് രേഖകളില് നിന്നും എന്. ഐ. ടി യിലെ ചില വിദ്യാര്ത്ഥികള്ക്കും ഈ സംഘവുമായി ബന്ധമുണ്ടായിരുന്നതായും സൂചനയുണ്ട്. ഇതിനകം ഇവര് മുസ്ലീംലീഗിലെയും കോണ്ഗ്രസിലെയും നേതാക്കന്മാരുമായും തഹസീല്ദാരുമായും ഒരു ബിഎസ്എന്എല് ജീവനക്കാരനുമായും നിരന്തരം ഫോണ്വിളികള് നടത്തിയിരുന്നതായി അന്വേഷണസംഘം കണ്ടെത്തിയിട്ടുണ്ട്. ഇവരെ ഇന്ന് ചോദ്യം ചെയ്തേക്കും.
ഭൂമി ഇടപാടുകള്, പലിശക്ക് പണം നല്കല് തുടങ്ങി വിവിധ പ്രവര്ത്തനങ്ങളാണ് സംഘം നടത്തിയിരുന്നത്. ജില്ലയിലെ വിവിധ പഞ്ചായത്ത് ഓഫീസുകള്, വില്ലേജ് ഓഫിസുകള് എന്നിവിടങ്ങളില് ഇവര്ക്കു സഹായികള് ഉണ്ടായിരുന്നതായും അന്വേഷണത്തില് വ്യക്തമായിട്ടുണ്ട്. ഒരു ഡെപ്യൂട്ടി തഹസില്ദാര് ഉള്പ്പെടെയുള്ളവരെ ഇതിനോടകം ക്രൈം ബ്രാഞ്ച് ചോദ്യം ചെയ്തുകഴിഞ്ഞു. പഞ്ചായത്ത് അംഗങ്ങള് ഉള്പ്പെടെ ചിലര് പോലീസിന്റെ നിരീക്ഷണത്തിലാണ്. കൃത്യമായ തെളിവുകള് ലഭിച്ചു കഴിഞ്ഞാല് ഉടന് ഈ സംഘത്തിലെ പ്രധാനികളുടെ അറസ്റ്റ് ഉണ്ടാവുമെന്നാണ് സൂചന.
https://www.facebook.com/Malayalivartha
